လူသားချင်းစာနာမှုဆိုသည်ကို သက်သေပြစေရန် “ UN , Do Not Hesitate To Accept Our Will“ စာသားပါဘန်နာကို ရန်ကုန်မြို့တစ်နေရာတွင် ဒရုန်းဖြင့်ရိုက်ကူး၍ Yangon Revolution Force – YRF ( Soft Strike Community) မှ ယနေ့ (စက်တင်ဘာ ၁၇) နံနက်ပိုင်း၌ မြန်မာပြည် သူလူထု၏ကိုယ်စား လူထုလှုံ့ဆော်မှုတစ်ခု ပြုလုပ်ခဲ့ကြသည်။
![ဓာတ်ပုံ - YRF](https://i0.wp.com/www.ludunwayoo.com/wp-content/uploads/2022/09/307433878_467411035448354_1786474746599609397_n.jpg?resize=880%2C543&ssl=1)
မကြာမီရက်ပိုင်းအတွင်း ကျင်းပမည့် ကုလသမဂ္ဂတွင် မြန်မာပြည်သူလူထု၏ ကိုယ်စားပြု သံအမတ်အဖြစ် မြန်မာပြည်သူများကို အမှန်တကယ်ကိုယ်စားပြုသော ဦးကျော်မိုးထွန်းကို ရွေးချယ်တင်မြောက်ရန်နှင့် မြန်မာလူထုတစ်ရပ်လုံး၏ ဆန္ဒကို လက်ခံရန်အတွက် ကုလသမဂ္ဂအဖွဲ့အစည်း အနေဖြင့် တွေဝေတွန့်ဆုတ်မနေရန်အတွက် လှုံ့ဆော်တိုက်တွန်းခြင်း ဖြစ်ကြောင်း YRF က ထုတ်ပြန်သည်။
![ဓာတ်ပုံ - YRF](https://i0.wp.com/www.ludunwayoo.com/wp-content/uploads/2022/09/307200735_467411055448352_1575554600412966452_n.jpg?resize=880%2C516&ssl=1)
ယနေ့လှုပ်ရှားမှုပြုလုပ်သည့်အချိန်ထိ မင်းအောင်လှိုင်ဦးဆောင်သည့် အကြမ်းဖက်စစ်တပ်သည် အပြစ်မဲ့ပြည်သူ ၃,၀၀၀နီးပါးကို သတ်ဖြတ်ပြီးခဲ့ပြီဖြစ်ပြီး အိမ်ပေါင်း ၂၈,၀၀၀ကျော်ကိုလည်းမီးရှို့ဖျက်ဆီးခဲ့ပြီး ဖြစ်သည်။
ထို့ကြောင့် အကြမ်းဖက်စစ်အာဏာရှင်ကို ဆန့်ကျင်ကြောင်း လူငယ်များက နည်းလမ်းမျိုးစုံဖြင့် ဆန္ဒပြလျက်ရှိပြီး ယခုကဲ့သို လှုပ်ရှားမှုများကိုလည်း လမ်းမများထက်တွင် ဆန္ဒပြလူငယ်များက ၄င်းတို့၏ အသက်ကို စတေးကာ လုပ်ဆောင်နေကြခြင်းဖြစ်ကြောင်းကိုလည်း YRF က ဖော်ပြခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)