▪︎အောင်ချမ်းသာရွာမှ စိတ်မနှံ့သူတစ်ဦးကိုပါ စစ်တပ်ကမီးရှို့သတ်သွား
တန့်ဆည်နယ် အင်္ကုက္ကားရွာမှ ထွက်လာသော စစ်ကောင်စီလက်အောက်ခံ တပ်မ(၃၃)မှ အုတ်ဖိုအိုင်ရွာသို့ ဝင်ရောက်စီးနင်းချိန်တွင် တော်လှန်ရေးရဲဘော် (၁၀)ဦး ဖမ်းဆီးသတ်ဖြတ်ခံလိုက်ရကြောင်း ဒေသသတင်းရင်း မြစ်များက ပြောသည်။
စက်တင်ဘာ (၁၆)ရက်နေ့မနက်ပိုင်းက စစ်အုပ်စုမှ အင်းအား (၆၀)ကျော်ဖြင့် အုတ်ဖိုအိုင်ရွာသို့ ပစ်ခတ်ဝင်ရောက်လာခြင်းဖြစ်ပြီး စစ်ကြောင်းဝင်ရောက်ချိန် ရပ်ရွာလုံခြုံရေးရဲဘော်ခြောက်ဦးနှင့် PDF ရဲဘော်လေးဦး ဖမ်းဆီးခံခဲ့ရကာ မီးရှို့သတ်ဖြတ်ခံရခြင်းဖြစ်ကြောင်း ဒေသခံများက ပြောသည်။
ထိုသို့ စစ်အုပ်စု၏ မီးရှို့သတ်ဖြတ်ခဲ့သော တော်လှန်ရေးရဲဘော်များ၏ မီးလောင်းကျွမ်းထားသည့်ရုပ်အလောင်းများကို ယင်းနေ့ညနေ ကျေးရွာသားများရွာအတွင်းပြန်ဝင်ချိန်တွင် တွေ့ရှိခဲ့ခြင်းဖြစ်ပြီး သက်ဆိုင်ရာတော် လှန်ရေးတပ်ဖွဲ့များက ကျွင်းကျန်ရုပ်အလောင်းများကောက် ယူ၍ သဂြိုဟ်ပေးခဲ့သည်ဟု ဒေသခံများက ဆိုသည်။
အဆိုပါ အုတ်ဖိုအိုင်ရွာသို့ ဒလန်သတင်းပေးမှုဖြင့် စစ်အုပ်စုက ဝင်စီးခဲ့ခြင်းဖြစ်ပြီး ပြည်သူပိုင်နေအိမ် (၃၁) လုံးကိုလည်း မီးရှို့ဖျက်ဆီးသွားကြောင်း ဒေသသတင်းရင်းမြစ်များတွင် ဖော်ပြသည်။
အလားတူ အုတ်ဖိုအိုင်ရွာသို့ ဝင်ရောက်ဖျက်ဆီးခဲ့သော စစ်အုပ်စုစစ်ကြောင်းသည် အောင်ချမ်းသာရွာသို့ဝင်ရောက်စဥ် စိတ်မနှံ့သူတစ်ဦးကိုပါ မီးရှို့သတ်ဖြတ်ခဲ့သေးသည်။
