စစ်ကိုင်းတိုင်း၊ ဘုတလင်မြို့နယ်အတွင်းရှိ ကျေးရွာများအား စစ်ကောင်စီတပ်က စစ်ကြောင်းထိုးဝင်ရောက်နေပြီး ဓါးစာခံပြည်သူတစ်ဦးကို သတ်ဖြတ်ကာ ဘုန်းကြီးကျောင်းပါမချန်မီးရှို့ဖျက်ဆီးသွားကြောင်း ဒေသခံများက ပြောသည်။
ယမန်နေ့ (စက်တင်ဘာ ၁၈ ရက်)က ဘုတလင် မြို့နယ်၊ အောင်သာရွာ ဘုန်းကြီးကျောင်းအား စစ်ကောင်စီတပ်က ဝင်ရောက်ဖျက်ဆီးမီးရှို့ခဲ့ခြင်းဖြစ်ပြီး ဘုန်းကြီးကျောင်းရှိ ကားတစ်စီးနှင့် ဆိုင်ကယ်အစီးရေများစွာကိုလည်း မီးရှို့ဖျက်ဆီးသွားကြောင်း၊ ရွာအတွင်း မီးရှို့ဖျက်ဆီးခံရသည့် အိမ်ခြေများလည်းရှိကြောင်း ဒေသခံများက ပြောသည်။
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/305142459_468881638634627_1923859319519538117_n.jpg?resize=720%2C540&ssl=1)
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/306657213_468881695301288_7246735679272936454_n.jpg?resize=720%2C540&ssl=1)
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/306772529_468881628634628_7867915678412909116_n.jpg?resize=720%2C540&ssl=1)
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/305312596_468881585301299_6298836952836911392_n.jpg?resize=720%2C540&ssl=1)
စစ်ကောင်စီတပ်သည် စက်တင်ဘာ ၁၆ ရက်က ဘုတလင်မြို့နယ် အောင်ချမ်းသာ၊သက်ရှည်ကန် နှင့် မင်းရွေးရွာတို့ကို ဝင်ရောက်ခဲ့ပြီး ၄ယောက်ထက် မနည်းဖမ်းဆီးသွားကြောင်း ဒေသခံများက ပြောသည်။
“သက်ရှည်ကန်ရွာက ဖမ်းဆီးသွားတဲ့ ဓါးစာခံ တစ်ဦးကို စစ်တပ်ကပစ်သတ်သွားတယ်။ မနေ့ကမှ အလောင်းတွေ့တယ်။”ဟု ဒေသခံတစ်ဦးက ပြောသည်။
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/304859802_468881735301284_7443381542481827466_n.jpg?resize=720%2C540&ssl=1)
![အောင်သာရွာဘုန်းကြီးကျောင်းအတွင်း စစ်တပ်က မီးရှို့ဖျက်ဆီးသွားပြီးနောက် တွေ့ရစဥ်။ ဓာတ်ပုံ-ဘုတလင်မြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/09/305570912_468881685301289_4588180028783061380_n.jpg?resize=639%2C854&ssl=1)
စက်တင်ဘာ ၁၃ ရက် နံနက်၅နာရီခန့်က ဘုတလင်မြို့နယ် ပဲပြစ်တောအရှေ့ရွာရှိ PDF စခန်းကို စစ်တပ်က ဝင်ရောက်စီးနင်းပစ်ခတ်ခဲ့၍ CDM စစ်သားနှင့် ဒုံးပျံ PDF အဖွဲ့ဝင် ငါးဦးကျဆုံးခဲ့သည်။
ထို့အပြင် ဒေသခံ ၃၀ နီးပါးခန့်ဖမ်းဆီးခံထားရသည်။ နေအိမ် လေးလုံးမီးရှို့ခံရပြီး ဒေသခံ ၇၀၀ ခန့်လည်း တိမ်းရှောင်နေရကြောင်းသတင်းရရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)