မန္တလေးတိုင်း၊ တောင်သာမြို့နယ် ကျောက်ပုံကျေးရွာမှစစ်ကောင်စီခန့်အုပ်ချုပ်ရေးမှူးနှင့် ပျူစောထီးတစ်ဦးကိုမဟာမိတ်တပ်ဖွဲ့များနှင့်အတူပစ်ခတ်ရှင်းလင်းလိုက်ကြောင်း TTAပြောက်ကျားကျားတပ်ဖွဲ့(တောင်သာ)ကယနေ့(စက်တင်ဘာ ၂၀)ထုတ်ပြန်သည်။
ကျောက်ပုံကျေးရွာမှ ရှစ်ရွာအုပ် အုပ်ကြီးခင်မောင်ဝင်းနှင့် ပျူစောထီးအဖွဲ့ဝင် ဝင်းစောဆိုသူတို့နှစ်ဦးကို ယမန်နေ့ စက်တင်ဘာ ၁၉ ရက်တွင် TTA တပ်ဖွဲ့နှင့် မြေလတ် PDF၊ Seven People Defense Force၊ Myingyan Black Tiger ၊ Natogyi Regional Defense Forceတို့ပူးပေါင်းပြီး ပစ်ခတ်ရှင်းလင်းခဲ့ကြောင်းဖော်ပြသည်။
အထက်ပါ စစ်ကောင်စီခန့်အုပ်ချုပ်ရေးမှူးနှင့် ပျူစောထီးဆိုသူတို့၏ နေအိမ်များအတွင်းသို့ဝင်ရောက်ကာ တစ်ဦးကိုသေနတ်သုံးချက်ဆီဖြင့် ပစ်ခတ်ရှင်းလင်းခဲ့ခြင်းဖြစ်ပြီး နှစ်ဦးလုံးနေရာတင် သေဆုံးသွားကြောင်းTTA ပြောက်ကျားတပ်ဖွဲ့မှ တော်လှန်ရေးရဲဘော်တစ်ဦးက ပြောသည်။
တော်လှန်ရေးတပ်ဖွဲ့ဝင်များ၏ပစ်ခတ်ရှင်းလင်းခြင်းခံရသူနှစ်ဦးသည် ကျေးရွာနေပြည်သူများအားမီတာခများအတင်းအဓမ္မကောက်ခံခြင်း၊ ကျေးရွာလူထုအပေါ် ခြိမ်းခြောက်အကြပ်ကိုင်ခြင်းများအကြိမ်ကြိမ်လုပ်ဆောင်ခဲ့သည်ဟုထုတ်ပြန်ထားသည်။
