ကရင်ပြည်သူ့ကာကွယ်ရေးတပ်ဖွဲ့၏ ထိန်းချုပ် နယ်မြေတစ်ခုဖြစ်သော ပုလောမြို့နယ်တွင် မူးယစ်ဆေးဝါးနှင့် စစ်တပ်ထုတ်ကုန်များ ဝင်ရောက်မလာစေရေး တားဆီးစစ်ဆေးမည်ဖြစ်သောကြောင့် ပြည်သူများလိုက်နာရမည့်စည်း ကမ်းချက်များကို ပုလော(KPDF)က ထုတ်ပြန်လိုက်သည်။
ပြည်သူများလိုက်နာရမည့်အချက်များတွင် KPDF တပ်ဖွဲ့ဝင်များ၏ ကြပ်မတ်စစ်ဆေးမှုများကို မည်သည့်အဖွဲ့အစည်းမဆို ပူးပေါင်းပါဝင်ရန်၊ ယာဥ်များကို အရှိန်လျှော့မောင်းနှင်ရန်၊ ကားတံခါးပေါက်များကို မှန်ချထားရန်နှင့် တင်ဆောင် လာသည့်ကုန်ပစ္စည်းနှင့် ခရီးသည်များအား အဝေးမှမြင်သာစေရန် စီမံထားရန်တို့ ပါဝင်သည်။
“အထက်ပါစည်းကမ်းချက်များသည် အာဏာလုစစ်ကောင်စီအား အမြစ်ပြတ်ချေမှုန်းရေးနှင့် ကရင်ပြည်သူ့ကာကွယ်ရေးတပ်ဖွဲ့(ပုလော)လုပ်ငန်းစဥ်များအတွက် အလွန်အရေးပါပါသည်”ဟု ဖော်ပြသည်။
ထို့ကြောင့် မိဘပြည်သူများအနေဖြင့် KPDF မှ ထုတ်ပြန်သောစည်းကမ်းချက်များကို သဘောတူကြည်ဖြူစွာလက်ခံမည်ဟု ယုံကြည်ပြီး အကယ်၍ လိုက်နာရန်ပျက်ကွက်ပါက ပျက်ကွက် သူ၏တာဝန်သာဖြစ်ကြောင်း အသိပေးထား သည်။
