ကရင်ပြည်သူ့ကာကွယ်ရေးတပ်ဖွဲ့၏ ထိန်းချုပ် နယ်မြေတစ်ခုဖြစ်သော ပုလောမြို့နယ်တွင် မူးယစ်ဆေးဝါးနှင့် စစ်တပ်ထုတ်ကုန်များ ဝင်ရောက်မလာစေရေး တားဆီးစစ်ဆေးမည်ဖြစ်သောကြောင့် ပြည်သူများလိုက်နာရမည့်စည်း ကမ်းချက်များကို ပုလော(KPDF)က ထုတ်ပြန်လိုက်သည်။
ပြည်သူများလိုက်နာရမည့်အချက်များတွင် KPDF တပ်ဖွဲ့ဝင်များ၏ ကြပ်မတ်စစ်ဆေးမှုများကို မည်သည့်အဖွဲ့အစည်းမဆို ပူးပေါင်းပါဝင်ရန်၊ ယာဥ်များကို အရှိန်လျှော့မောင်းနှင်ရန်၊ ကားတံခါးပေါက်များကို မှန်ချထားရန်နှင့် တင်ဆောင် လာသည့်ကုန်ပစ္စည်းနှင့် ခရီးသည်များအား အဝေးမှမြင်သာစေရန် စီမံထားရန်တို့ ပါဝင်သည်။
![KPDF ရဲဘော်များ၏ စစ်ဆေးရေးဂိတ်တစ်ခုအား တွေ့ရစဉ်၊ဓာတ်ပုံ - KPDF](https://i0.wp.com/www.ludunwayoo.com/wp-content/uploads/2022/09/308950419_472668308255960_458369723644493019_n.jpg?resize=880%2C660&ssl=1)
“အထက်ပါစည်းကမ်းချက်များသည် အာဏာလုစစ်ကောင်စီအား အမြစ်ပြတ်ချေမှုန်းရေးနှင့် ကရင်ပြည်သူ့ကာကွယ်ရေးတပ်ဖွဲ့(ပုလော)လုပ်ငန်းစဥ်များအတွက် အလွန်အရေးပါပါသည်”ဟု ဖော်ပြသည်။
![KPDF ရဲဘော်များ၏ စစ်ဆေးရေးဂိတ်တစ်ခုအား တွေ့ရစဉ်၊ဓာတ်ပုံ - KPDF](https://i0.wp.com/www.ludunwayoo.com/wp-content/uploads/2022/09/308708713_472668324922625_7330912454042212203_n.jpg?resize=880%2C516&ssl=1)
ထို့ကြောင့် မိဘပြည်သူများအနေဖြင့် KPDF မှ ထုတ်ပြန်သောစည်းကမ်းချက်များကို သဘောတူကြည်ဖြူစွာလက်ခံမည်ဟု ယုံကြည်ပြီး အကယ်၍ လိုက်နာရန်ပျက်ကွက်ပါက ပျက်ကွက် သူ၏တာဝန်သာဖြစ်ကြောင်း အသိပေးထား သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)