ပြည်သူ့ငွေစာရင်းများအား အကြောင်းမဲ့ပိတ်သိမ်းနေ၍ ပခုက္ကူမြို့ရှိ ကမ္ဘောဇဘဏ်ခွဲအား Pakokku Rangerအဖွဲ့ သတိပေး

ပြည်သူများ၏ ငွေစာရင်းများအား အကြောင်းမဲ့ပိတ်သိမ်းနေ၍ မကွေးတိုင်း၊ ပခုက္ကူမြို့ရှိ ကမ္ဘောဇဘဏ်များ တန်ပြန်ခံစားရမည်ဟု Pakokku Rangerအဖွဲ့က သတိပေးလိုက်သည်။

ကမ္ဘောဇဘဏ်သည် စစ်အာဏာရှင်အလိုကျပြည်သူလူထုများစွာ၏ K Pay အကောင့်များအား ဗဟိုဘဏ်ညွှန်ကြားချက်ဆိုသည့် အကြောင်းပြချက်ဖြင့် လိုက်လံပိတ်သိမ်းနေသည်။

ထိုသို့ပိတ်သိမ်းရန်ဆောင်ရွက်ပေးနေ၍ ပခုက္ကူမြို့ရှိ KBZ Bank များအား မိတို့​ပြုလုပ်ပေးနေသော အကျိုးအပြစ်များကို မကြာမီကာလအတွင်း ပြန်လည်ခံစားစေရမည်ဟု ပခုက္ကူအခြေစိုက် Pakokku Rangerအဖွဲ့က စက်တင်ဘာလ ၂၂ ရက်တွင် ထုတ်ပြန်သတိပေးသည်။

ပြည်သူလူထုက ၎င်းတို့ ခက်ခက်ခဲခဲရှာထားရသော ချွေးနည်းစာငွေသားများအား ကမ္ဘောဇဘဏ်က အကြောင်းမဲ့ပိတ်သိမ်းနေမှုကို တိုင်ကြားကြ၍ ယခုကဲ့သို့ သတိပေးရခြင်းဖြစ်ကြောင်း၊ တော်လှန်ရေးအဖွဲ့များအနေဖြင့် စစ်တပ်၊ ရဲနှင့် စစ်ကောင်စီအလိုကျ လက်အောက်ခံမည်သည့် ပုဂ္ဂိုလ်အဖွဲ့အစည်းကိုမဆို အစွမ်းကုန်တိုက်ထုတ်သွားမည်ဖြစ်ကြောင်း Pakokku Ranger အဖွဲ့၏ ထုတ်ပြန်ချက်တွင် ဖော်ပြထားသည်။

စစ်ကောင်စီအလိုကျ ဆောင်ရွက်ပေးလေ့ရှိသည့် ကမ္ဘောဇဘဏ်သည် ယခင်ကလည်းမန္တလေး၊ မုံရွာ၊ မြင်းခြံနှင့် ဒေသအချိူ့ရှိ ဘဏ်ခွဲများတွင် မကြာခဏဖောက်ခွဲသတိပေးခြင်းများ ခံခဲ့ရဖူးသည်။