မိုးဗြဲမြို့တိုက်ပွဲတွင် စစ်ကောင်စီတပ်မှ ထိခိုက် သေဆုံးမှုများရှိခဲ့ပြီး ကရင်နီတပ်ပေါင်းစုမှ ရဲဘော်ငါးဦးဒဏ်ရာရရှိကြောင်း မိုးဗြဲပြည်သူ့ကာကွယ်ရေးတပ်(MBPDF)က ထုတ်ပြန်သည်။
နှစ်ပတ်ကျော်ကြာမြင့်ပြီဖြစ်သည့် မိုးဗြဲမြို့တိုက် ပွဲမှာ ယနေ့(စက်တင်ဘာ ၂၄ ရက်) နံနက် ၁၁နာရီခွဲကစ၍ ညနေ ၅ နာရီခွဲအထိ လွယ်ယင်းမင်္ဂလာကျေးရွာ၊ကာလဝါရီတောင်ပေါ်တွင် ထိုးစစ်ဆင် တပ်စွဲထားသော စစ်ကောင်စီတပ်နှင့် တိုက်ပွဲထပ် မံ ဖြစ်ပွားခဲ့သည်ဟု ဆိုသည်။
စစ်ကောင်စီတပ်ကို ကရင်နီမဟာမိတ်တပ်ပေါင်းစုများဖြစ်သည့် MBPDF 1001၊ MBPDF 1007၊ ဖယ်ခုံ PDF B-01၊ လွိုင်ကော် PDF၊ အလယ်ပိုင်းတိုင်း အထူးစစ်ဆင်ရေးတပ်ဖွဲ့၊ DMO 1102 တပ်ရင်း၊ နေပြည်တော် PDF၊ KNDF၊ KGZ နှင့် URF တို့ ပူးပေါင်းတိုက်ခိုက်ခဲ့ကြောင်းဖော်ပြ သည်။
ယနေ့တိုက်ပွဲတွင် စစ်ကောင်စီတပ်သားများထိခိုက်သေဆုံးမှုများရှိခဲ့ပြီး အရေအတွက်ကို အတည်မပြုနိုင်သေးပေ။
အလားတူ မဟာမိတ်တပ်ပေါင်းစုအဖွဲ့မှာလည်း အသေစားဒဏ်ရာ ငါးဦးရရှိခဲ့ကြောင်း MBPDF က ပြောသည်။
ယနေ့ ညပိုင်းအချိန်ထိ ပူပေါင်းမဟာမိတ်အဖွဲ့မှ စစ်ကောင်စီတပ်၏ ထိုးစစ်ဆင်မှုကိုဆက်လက် တောက်ခံနေဆဲ ဖြစ်ကြောင်း ဖော်ပြသည်။
“စခ ဘက်က မိုးဗြဲကိုရဖို့ အသည်းအသန်းလုံး ပန်းနေတယ်ပဲ ပြောချင်တယ်။အခုဆို သူတို့ဘက်ကမြေပြင်အင်အားပါထပ်တိုးလာနေတယ်။တိုက်ပွဲက ဆက်ပြင်းထန်ဖို့ပဲရှိတယ်”ဟု MBPDF တာဝန်ရှိသူက လူထုနွေဦးသို့ ပြောသည်။
ထို့အပြင် ယခုသတင်းထုတ်ပြန်သည့် ည ၈နာရီဝန်းကျင်အထိ စစ်ကောင်စီက တာဝေးပစ်လက် နက်ကြီးများဖြင့် ရမ်းသမ်းပစ်ခတ်လျှက်ရှိကြောင်းလည်း အသိပေးသည်။
ကရင်နီဒေသ၏ စစ်ရေးအရအရေးပါသော မိုးဗြဲမြို့ကို စစ်ကောင်စီက ထိန်းချုပ်နိုင်ရေးကြိုးပမ်းမှုသည် နှစ်ပတ်ကျော်ကြာမြင့်နေပြီလည်း ဖြစ် သည်။
စက်တင်ဘာ ၈ရက်ကစတင်ခဲ့သည့် ထိုးစစ်ဆင်မှုအတွင်း စစ်ကောင်စီတပ်မှ သေဆုံးသူရာဂဏန်းဝန်းကျင်ရှိကာ ကရင်နီတပ်ပေါင်းစုမှ ရဲဘော်ခြောက်ဦး ကျဆုံးထားသည်။
