ချင်းပြည်နယ် မတူပီမြို့နယ်တွင် ဒေသခံချင်းကာကွယ်ရေးတပ်(CDF)နှင့် စစ်ကောင်စီတပ်တို့ တိုက်ပွဲဆက်လက်ဖြစ်ပွားခဲ့ပြီး စစ်ကောင်စီတပ်က သေဆုံးထိခိုက်ရှိခဲ့ကြောင်း မတူပီ CDF က ထုတ်ပြန်သည်။
![(မတူပီ CDF မှ ရဲဘော်များအား တွေ့ရစဉ်)](https://i0.wp.com/www.ludunwayoo.com/wp-content/uploads/2022/09/309034443_474343681421756_5718069703675745017_n.jpg?resize=880%2C620&ssl=1)
မတူပီမြို့ နှင့် ငလိုင်ရွာကြားတွင် စက်တင်ဘာ ၂၅ရက် နံနက် ၈နာရီခွဲခန့်မှ ၁၁နာရီထိ ၂နာရီခွဲ ကျော် တိုက်ပွဲဖြစ်ခဲ့ပြီး စစ်ကောင်စီတပ်က လေးဦးသေ၊ ရှစ်ဦးထက်မနည်း ဒဏ်ရာရရှိကာ CDF ရဲဘော် တစ်ဦးဒဏ်ရာပြင်းထန်ခဲ့ကြောင်း ဖော်ပြထားသည်။
မတူပီCDFနှင့် စစ်ကောင်စီတပ်တို့သည် စက်တင်ဘာ ၂၄ရက်တွင် တိုက်ပွဲစတင်ခဲ့ခြင်းဖြစ်သည်။
![(မတူပီ CDF မှ ရဲဘော်များအား တွေ့ရစဉ်)](https://i0.wp.com/www.ludunwayoo.com/wp-content/uploads/2022/09/309262346_474343721421752_1866791095456901668_n.jpg?resize=768%2C1024&ssl=1)
မတူပီ အခြေစိုက်စစ်ကောင်စီ၏ ခလရ (၁၄၀) တပ်ရင်းမှ မတူပီ – ဟားခါးလမ်းသို့ နယ်မြေရှင်းလင်းရေး လုပ်ဆောင်လာ၍ တိုက်ပွဲဖြစ်ခဲ့ပြီး စက်တင်ဘာ ၂၄ရက်တိုက်ပွဲတွင် စစ်ကောင်စီတပ်မှ ၃ဦးသေဆုံးကာ ဒဏ်ရာရသူများလည်းရှိသည်ဟု CDFက ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)