ပဲခူးတိုင်း အနောက်ခြမ်း ပေါက်ခေါင်းမြို့နယ်ရှိ လူဝင်မှုကြီးကြပ်ရေးရုံ(လဝက)နှင့် စည်ပင်သာယာရေးကော်မတီ(စည်ပင်)ရုံးတို့ကို မြို့ပြစစ်ဆက်ရေး စတင်ခြင်းအဖြစ် ဖောက်ခွဲတိုက်ခိုက်ခဲ့ကြောင်း ပေါက်ခေါင်းလွတ်မြောက်ရေးအင်အားစု(PLF)က ထုတ်ပြန်သည်။
ယမန်နေ့(စက်တက်ဘာ ၂၅ ရက်) ညနေ ၆ နာရီခွဲခန့်က ပေါက်ခေါင်းမြို့ပေါ်ရှိ လဝကရုံးနှင့် စည်ပင်ရုံးတို့ကို တပြိုင်နက်တည်း ဝင်ရောက်မိုင်းဖောက်ခွဲတိုက်ခိုက်ခဲ့ကြောင်း ဖော်ပြသည်။
“ထိုသို့ပြုလုပ်ရသည့်အကြောင်းအရင်းမှာလည်း ပေါက်ခေါင်းလွတ်မြောက်ရေးအင်အားစု (PLF)အနေဖြင့် မြို့ ပြစစ်ဆင်ရေးကို စတင်အကောင်အထည်ဖော်ဆောင်တော့မည်ဖြစ်ကြောင်း စတင်အသိပေးလိုက်ခြင်းဖြစ်ပြီး ယခုပြုလုပ်ခဲ့သည့် နောက်ဆက်တွဲ ထိခိုက်သေဆုံးစာ ရင်းအားလည်း စုံစမ်းဆဲဖြစ်ပြီး အထူးတပ်ဖွဲ့ဝင်များမှာလည်း အထိအခိုက်မရှိ ပြန်လည်ရောက်ရှိပြီး ဖြစ်ပါ သည်”ဟု အသိပေးသည်။
ပေါက်ခေါင်းလွတ်မြောက်ရေးအင်အားစု (PLF)အနေဖြင့် စစ်ကောင်စီထောက်တိုင်များဖြစ်သော ရုံးဌာနများအား မြို့ပြစစ်ဆင်ရေးဖြစ်သော ကျောက်ခဲဟင်းချိုစစ် ဆင်ရေးအား အသက်သွင်းတော့မည်ဖြစ်ကြောင်း အသိပေးထုတ်ပြန်ထားသည်။
