အင်းစိန်အကျဉ်းထောင်က နိုင်ငံရေးအကျဉ်းသား ၂၅၀ ကို ပြီးခဲ့တဲ့စနေ့နေ့ (စက်တင်ဘာလ ၂၄)ရက်က သာယာဝတီထောင်ဆီ ပြောင်းရွှေ့လိုက်တယ်လို့သိရပါတယ်။
ဒီလို ထောင်ပြောင်းခံရတဲ့ နိုင်ငံရေးအကျဉ်းသားတွေထဲ အမျိုးသမီး နိုင်ငံရေးအကျဉ်းသား ၅၀ ဦး ပါဝင်တယ်လို့ ရန်ကုန်စီးပွားရေးတက္ကသိုလ်ကျောင်းသားများသမဂ္ဂ (ရွာသာကြီးနယ်မြေ)ကထုတ်ပြန်အသိပေးထားပါတယ်။
အင်းစိန်ထောင်က နိုင်ငံရေးအကျဉ်းသား တွေကို နယ်ထောင်တွေဆီရွှေ့တာဟာ ဒီတကြိမ် အပါအဝင် လေးကြိမ်းမြောက် ရှိလာပြီလို့သိရပါတယ်။
ထောင်ပြောင်းတာကို စနေနေ့ မှာ ပြုလုပ်တာဟာ တနင်္ဂနွေနေ့ ထောင်ရုံးပိတ်ရက်ဖြစ်တာကြောင့် မိသားစုဝင်တွေ လိုက်လံစုံစမ်းမရအောင် စစ်ကောင်စီဘက်က ကြိုတင်အကွက်ချ စီမံတာလို့ ရန်ကုန်စီးပွားရေးတက္ကသိုလ်ကျောင်းသားများသမဂ္ဂ (ရွာသာကြီးနယ်မြေ) က သုံးသပ်ထားပါတယ်။
ထောင်ပြောင်းခံရတဲ့အထဲ ကျောင်းသားသမဂ္ဂအဖွဲ့ဝင် ကျောင်းသား၊ကျောင်းသူတွေလည်းတယ်လို့ သိရပါတယ်။
စစ်ကောင်စီလက်ဝေခံ ထောင်အာဏာပိုင်တွေဟာ နိုင်ငံရေးအကျဉ်းသားတွေကို ထောင်တွင်းဖိနှိပ်မှုတွေ နေ့စဉ်နဲ့အမျှ ပြုလုပ်နေပါတယ်။
အင်းစိန်ထောင်မှာဆို ထောင်တွင်းဆန္ဒပြပွဲတွေမှာပါဝင်သူတွေကို အပြင်းအထန် ရိုက်နှက်တာ ၊ ဆေးဝါးကုသခွင့်မပေးတာ ၊ ကာလရှည်ကြာ တိုက်ပိတ်တာ ၊ရေဖြတ်တောက်တာ ၊ ရာဇဝတ်မှုနဲ့ ကျနေတဲ့ အဆောင်ဘက်တွေဆီ ပြောင်းရွှေ့ပစ်တာတွေကိုထောင်အာဏာပိုင်တွေဟာ လုပ်ဆောင်ခဲ့ကြပါတယ်။
ဒါအပြင် နယ်ထောင်တွေဆီရွှေ့တဲ့အခါမှာလည်းရောက်ရှိရာထောင်မှာ နှိပ်စက်မှုတွေဆက်လက်ခံစားနေကြရတယ်လို့သိရပါတယ်။
