ကလေးငယ်များစွာအသက်ဆုံးရှုံးခဲ့ရသည့် စစ်​ကောင်စီ၏လက်ယက်ကုန်းရွာ အကြမ်းဖက်မှုတွင် ကိုယ်တွေ့ ကြုံရသူများပါဝင်သည့် သတင်းစာရှင်းပွဲယ​နေ့ည ပြုလုပ်မည်

စစ်​ကောင်စီတပ်က က​လေးငယ်များစွာ​သေဆုံး ဒဏ်ရာရ​စေပြီးဖမ်းဆီး​ခေါ်​ဆောင်သွား​သော ဒီပဲယင်းမြို့နယ် လက်ယက်ကုန်း​ကျေးရွာမှ စစ်ရာဇဝတ်မှုဖြစ်စဥ် နှင့် အမျိုးသားညီညွတ်​ရေးအစိုးရ (NUG) ​ဆောင်ရွက်​နေသည်များနှင့်ပတ်သပ်၍ NUGကဦး​ဆောင်၍ ယ​နေ့ည ၈ နာရီတွင်သတင်းစာရှင်းလင်းပွဲပြုလုပ်မည်ဖြစ်သည်။

စစ်ကိုင်းတိုင်း ဒီပဲယင်းမြို့နယ်လက်ယက်ကုန်းရွာကိုအကြမ်းဖက်စစ်ကောင်စီတပ်က စက်တင်ဘာ၁၆ရက်တွင်လေကြောင်းမှ တိုက်ခိုက်ခဲ့၍ စာသင်ကျောင်းရှိ ကလေးငယ် များအပါအဝင် အရပ်သားပြည်သူ ၁၃ဦးထက်မနည်း သေဆုံးခဲ့သည်။ထိုအပြင် ၁၅ ဦးထက်မနည်းဒဏ်ရာအပြင်းအထန်ရှိခဲ့ပြီး ​သေဆုံးသူရုပ်အ​လောင်းနှင့် ဒဏ်ရာရသူများကို စစ်​ကောင်စီတပ်က ဖမ်းဆီး​ခေါ်​ဆောင်သွားကာ ဖမ်းဆီး​ခေါ်​ဆောင်ခံရသူများအ​ခြေအ​နေကိုယ​နေ့အထိမသိရ​သေး​ကြောင်း​ဒေသခံများက​ပြောသည်။

အဆိုပါဖြစ်စဉ်ကို ကိုယ်တိုင်ကြုံတွေ့ရသူများပါဝင်သည့် သတင်းစာရှင်းလင်းပွဲကို ယနေ့ည ၈ နာရီတွင် အမျိုးသားညီညွတ်​ရေးအစိုးရကဦး​ဆောင်ကျင်းပမည်ဟုသိရသည်။

စစ်ကောင်စီတပ်က ကလေးငယ်များ အပါအဝင် အရပ်သားများကို ရပ်စက်စွာ သတ်ဖြတ်ခဲ့သည့် စစ်ရာဇဝတ်မှုနှင့်ပတ်သက်ပြီး အမှန်တကယ် ဖြစ်ပျက်ခဲ့သည့် အခြေအနေများ၊ အမျိုးသားညီညွတ်ရေးအစိုးရ၏ ဆောင်ရွက်ချက်များ ကို ရှင်းလင်းသွားမည်ဖြစ်ကြောင်း အသိပေးထားသည်။

သတင်းစာရှင်းလင်းပွဲတွင် အမျိုးသားညီညွတ်ရေးအစိုးရ သက်ဆိုင်ရာ ဝန်ကြီးဌာနများ၊ ကိုယ်တိုင်ကြုံတွေ့ခဲ့ရသည့် မျက်မြင်သက်သေများက ရှင်းလင်းသွားမည်ဖြစ်ပြီးPVTV ၊​ရေဒီယို NUG တို့ကတိုက်ရိုက်ထုတ်လွှင့်သွားမည်ဟုသိရသည်။

လက်ယက်ကုန်းရွာအတွင်း အကြမ်းဖက်ခံရမှုဖြစ်စဥ်အသေးစိတ်အချက်အလက်များကို NUG လူ့အခွင့်အရေးဝန်ကြီးဌာနက ယမန်နေ့တွင် ထုတ်ပြန်ခဲ့ရာ ဘုန်းကြီးကျောင်းအတွင်းရှိ စာသင်ကျောင်းအား ဝေဟင် အင်အားသုံး၍ ရည်ရွယ်ချက်ရှိရှိ ပစ်ခတ်သတ်ဖြတ်မှု ကျူးလွန်ကြသူများမှာ အကြမ်းဖက်စစ်ကောင်စီ၏ အမှတ် (၁၀) စစ်ဆေးရေးဌာနချုပ် လက်အောက်ခံ ခြေမြန်တပ်ရင်း တပ်မ (၃၆၈) မှ အကြမ်းဖက်စစ်ကောင်စီ တပ်သားများဖြစ်သည်ဟု ဖော်ပြသည်။