ကရင်နီပြည်နယ် လွိုင်ကော်မြို့နယ် ကယန်းသာယာလမ်းခွကုန်းတွင် တပ်စွဲထားသော စစ်ကောင်စီတပ်အား တိုက်ခိုက်ရာ စစ်ကောင်စီတပ်သား ခုနစ်ဦးသေဆုံးကြောင်း အလယ်ပိုင်းတိုင်းအထူးစစ်ဆင်းရေးအဖွဲ့က ထုတ်ပြန်သည်။
ယနေ့(စက်တင်ဘာ ၂၇ ရက်) နံနက် ၁၀ နာရီခန့်က အလယ်ပိုင်းတိုင်းအထူးစစ်ဆင်းရေး စနိုက်ပါအဖွဲ့နှင့် ကရင်နီအမျိုးသားများကာကွယ်ရေးတပ်(KNDF) B -O2 စနိုက်ပါအဖွဲ့တို့ ပူးပေါင်းပြီး ကယန်းသာယာ လမ်းခွကုန်းရှိ စစ်ကောင်စီတပ်ကို တိုက်ခိုက်ခဲ့ခြင်းဟု ဆိုသည်။
ပူးပေါင်း စနိုက်ပါအဖွဲ့၏ ပစ်ခတ်တိုက်ခိုက်မှုကြောင့် စစ်ကောင်စီတပ်မှ သေဆုံးသူ ခုနစ်ဦးရှိကြောင်း ဖော်ပြသည်။
စစ်ကောင်စီတပ်က စက်လက်များ ၊ စနိုက်ပါများ နှင့် (၆၀)မမများဖြင့် ပြန်လည်ပစ်ခတ်ခဲ့သော် လည်းထိခိုက်မှုမရှိဘဲ အောင်မြင်စွာဆုတ်ခွာနိုင်ခဲ့ကြောင်း အသိပေးသည်။
“တိုက်ပွဲက နှစ်နာရီကျော်လောက်ဖြစ်ခဲ့တယ်။ ပြီးတော့ စခတွေ သေတယ်ဆိုတာ သေချာအတည်ပြုနိုင်ခဲ့တယ်”ဟု အလယ်ပိုင်းတိုင်းအထူးစစ်ဆင်းရေးအဖွဲ့က လူထုနွေဦးသို့ ပြောသည်။
လွိုင်ကော်မြို့နယ်အထွက် ကယန်းသာယာ လမ်းခွကုန်း၌ စစ်ကာင်စီတပ်က အင်အား ၅၀ထက်မနည်းတပ်စွဲထား၍ မကြာခဏ တိုက်ခိုက်ခံထားရသည်။
