ကြာအင်းဆိပ်ကြီးမြို့နယ် တဂေးရွာနှင့် ခုတ်ခွားစခန်းကြားတွင် စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော်(KNLA) ပူးပေါင်းတပ်ဖွဲ့တို့အကြား ထိတွေ့ပစ်ခတ်ပြီး စစ်ကောင်စီဘက်က သုံးဦးသေဆုံးပြီး တစ်ဦးဒဏ်ရာရရှိခဲ့သည်ဟု နဂါးနီစစ်ကြောင်းမှ သတင်းထုတ်ပြန်ထားသည်။
စက်တင်ဘာလ(၂၉)ရက် နံနက်ရှစ်နာရီခွဲခန့်က ကြာအင်းဆိပ်ကြီးမြို့နယ် တဂေးရွာနှင့် ခုတ်ခွားစခန်းကြားတွင် နယ်မြေရှင်းလင်းရေးပြုလုပ်ရန်ကြိုးစားနေသော စစ်ကောင်စီ၏ စကခ(၁၃)လက်အောက်ခံ ခမရ(၃၅၈)နှင့် ခမရ(၅၅၆) ခန့်မှန်းအင်အား (၁၀၀)ကျော်အား နဂါးနီစစ်ကြောင်းနှင့် KNLA ပူးပေါင်းတပ်ဖွဲ့များမှ ထိပ်တိုက်တွေ့ဆုံပြီး ပစ်ခတ်တိုက်ခိုက်ခဲ့ကြသည်။
နံနက်(၈)နာရီခွဲမှ (၉)နာရီခွဲအထိ (၁)နာရီခန့်ကြာမြင့်သည့်တိုက်ပွဲတွင် စစ်ကောင်စီဘက်မှ သုံးဦးသေဆုံးနှင့် တစ်ဦးထိခိုက်(စိုးရိမ်ရ)ဒဏ်ရာရရှိခဲ့ကာ ပူးပေါင်းတပ်ဖွဲ့များဘက်မှာတော့ ထိခိုက်မှု တစ်စုံတစ်ရာမရှိပဲ ပြန်လည်ဆုတ်ခွာနိုင်ခဲ့သည်ဟု ထုတ်ပြန်ချန်တွင် ဖော်ပြထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)