မန္တလေးတိုင်း မတ္တရာမြို့နယ် လမိုင်းကျေးရွာတံတားအနီး ပြည်သူများအား စစ်ဆေးငွေညှစ်နေသည့် စစ်ကောင်စီတပ်ကို မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ သုံးဦးထက်မနည်းသေဆုံးသွားကြောင်း နတ်ဆိုးမြေအောက်တော်လှန်ရေးတပ်ဖွဲ့က ပြောသည်။
ယမန်နေ့ (စက်တင်ဘာ ၂၉)နံနက် ၁၁ နာရီ ၄၀မိနစ်ခန့်က မတ္တရာမြို့နယ် လမိုင်းကျေးရွာတံတားအနီး စစ်ဆေးရေးလုပ်ရန်ရောက်ရှိနေသော စစ်ကောင်စီတပ်ကို ‘ကာတွန်းပဒေသာမိုင်း(၁၀၀) စစ်ဆင်ရေး’ အဖြစ် မိုင်းတစ်လုံးဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။
စစ်ကောင်စီတပ်များသည် လမိုင်းကျေးရွာ တံတားအနီးသို့လာရောက်၍ မကြာခဏ ပြည်သူလူထုအား အနိုင်ကျင့်ဖမ်းဆီးတတ်သည့်အပြင် ဖမ်းဆီးငွေညှစ်မှုများလုပ် ဆောင်နေခြင်းကြောင့် ယခုကဲ့သို့ တိုက်ခိုက်ခဲ့ခြင်းဖြစ်ကြောင်း နတ်ဆိုးအဖွဲ့က ပြောသည်။
တိုက်ခိုက်ခံရမှုကြောင့် စစ်ကောင်စီတပ်မှ အနည်းဆုံးသုံးဦးသေဆုံးပြီး အပြားအပြားထိခိုက်ဒဏ်ရာရသွားကာ စစ်ကောင်စီတပ်ဘက်မှ ပြန်လည်ပစ်ခတ်သဖြင့် ပြန်ဆုတ်ခဲ့ရသော်လည်း တော်လှန်ရေးရဲဘော်များ အထိအခိုက်မရှိခဲ့ဟု နတ်ဆိုးအဖွဲ့မှ ရဲဘော်တစ်ဦးက ပြောသည်။
“ကာတွန်းပဒေသာမိုင်း(၁၀၀)စစ်ဆင်ရေးပြီးမြှောက်အောင်မြင်ပြီးရင်လည်း နောက်ထပ် စစ်ဆင် ရေးတွေဆက်တိုက်လာအုံးမှာ။ ကျွန်တော်တို့ နတ်ဆိုးတွေ အ ကြမ်းဖက်စစ်ကောင်စီ မပြုတ်မချင်း အရှိန်အဟုန်မြှင့်ပြီး တော်လှန်တိုက်ခိုက်နေအုံးမယ်ဆိုတာပါပဲ”ဟု အထက်ပါရဲဘော်က သတင်းစကားပါးသည်။
ထို့ကြောင့် ကာတွန်းပဒေသာမိုင်း(၁၀၀)စစ်ဆင်ရေးကို အရှိန်အဟုန်မြှင့် ဆက်လက်တိုက်ခိုက် သွားမည်ဖြစ်၍ ပြည်သူများအနေဖြင့် အကြမ်းဖက်စစ်ကောင်စီ ၏ ဘက်တော်သားများနှင့် နီးစပ် သောနေရာတွင် နေထိုင်သွားလာခြင်းများ သတိကြီးစွာ ပါးပါးနပ်နပ်ဖြင့် ရှောင်တိမ်းသွားလာကြရန် မေတ္တာရပ်ခံထားသည်။
