လောင်းလုံမြို့နယ် ကျောက်နီမော်ကျေးရွာအုပ်စု ကျောက်မတ်တပ်ရွာအနီး တိုက်ပွဲ၌ စစ်ကောင်စီလက်ပါးစေ ပျူစောထီး ၄ဦး သေဆုံးခဲ့ပြီး လက်နက် ၂လက်နှင့် ကျည်များ သိမ်းဆည်းရမိခဲ့ကြောင်း လောင်းလုံမြို့နယ် ပြည်သူ့ကာကွယ်ရေးတပ်(ပကဖ)က ယနေ့သတင်းထုတ်ပြန်သည်။
ပြီးခဲ့သည့် စက်တင်ဘာ ၂၉ရက်က ကျောက်မတ်တပ် ကျေးရွာ အနီး ဆက်ကြေးကောက်ခံပြီး ပြန်လာသည့်ပျူစောထီးများကိုလောင်းလုံပကဖများကတိုက်ခိုက်ခဲ့ခြင်းဖြစ် သည်။
![(ပျူများထံမှသိမ်းဆည်းရမိသော သေနတ် ၂ လက်နှင့်ကျည်များ ကို လောင်းလုံပကဖ တပ်ဖွဲ့ဝင်များနှင့်အတူတွေ့ရစဥ်။ ဓါတ်ပုံ-LLPDF)](https://i0.wp.com/www.ludunwayoo.com/wp-content/uploads/2022/10/309880965_479438894245568_8574201506020568200_n.jpg?resize=720%2C325&ssl=1)
ပျူများသေဆုံးထိခိုက်မှုများပြီး စစ်ကောင်စီတပ်ကစစ်ကူရောက်လာရာပျူ အလောင်းများနှင့် ဒဏ်ရာပြင်းထန်စွာ ရရှိသော ပျူစောထီးများအား ကားပေါ်တင်ယူဆောင်သွားကြောင်း သိရသည်။
တိုက်ပွဲဖြစ်ပွားရာနေရာအား လောင်းလုံပြည်သူ့ကာကွယ်ရေးတပ်ဖွဲ့မှ နယ်မြေရှင်းလင်းခဲ့ရာ ကာဘိုင် ၁လက်၊ လက်လုပ်သေနတ်တစ်လက် ၊ကျည်ကတ်(၄)ကတ်၊ကျည်(၆၆)တောင့်၊၁၆ကျည်အတို (၁)ကတ်၊ AKကျည်(၁)ကတ် နှင့် ဦးထုတ်(၁)လုံး တို့ကိုသိမ်းဆည်းရရှိခဲ့သည်ဟု ဓါတ်ပုံနှင့်တစ်ကွအသိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
အဆိုပါတိုက်ပွဲနှင့်ပတ်သပ်၍ လောင်းလုံပကဖ သို့ People’s Springက ဆက်သွယ်မေးမြန်းထားသော်လည်း ပြန်လည်ဖြေကြားခြင်းမရှိသေးပါ။ အဆိုပါတိုက်ပွဲတွင် ပျူများသေဆုံးထိခိုက်မှု အခြေအနေကိုလည်း People’s Spring ကသီးခြားအတည်မပြုနိုင်ပါ။
အဆိုပါ ချစ်စမ်းမောင်ဦးဆောင်သောပျူစောထီး အဖွဲ့သည် ကျေးရွာအားမီးရှို့မည်ဟု ပြည်သူများအား အမြဲလိုလို ခြိမ်းခြောက် ပြောဆိုနေပြီး အကြမ်းဖက်လုပ်ရပ် ဆက်တိုက်ကျူးလွန်နေသည့်အဖွဲ့ဖြစ်ပြီး ။ဆက်လက်၍ စစ်ကောင်စီ နှင့် လက်ကိုင်တုတ်များအား အလျဉ်းသင့်သလို ချေမှုန်းသွားမည်ဖြစ်ကြောင်းလည်းလောင်းလုံPDFကသတိပေးထားသည်။
ပြည်သူများ အနေဖြင့်လည်း ပွဲလမ်းသဘင်များ၊ ခရီးသွားလာခြင်း များမပြုရန် စစ်ကောင်စီ လက်ကိုင်တုတ်များနှင့် ဝေးဝေးရှောင်ပေးကြရန် လောင်းလုံပကဖက မေတ္တာရပ်ခံထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)