မန္တလေးတိုင်း၊ စဉ့်ကိုင်မြို့နယ် ပလိပ်မြို့ EPC ရုံးက ကောက်ခံထားတဲ့ မီတာခတွေကို စစ်ကောင်စီတပ်သား အစောင့်အရှောက်နဲ့ ဘဏ်သွားသွင်းချိန် စောင့်ကြိုတိုက်ခိုက်ခဲ့တယ်လို့ မြစ်ငယ် PDF ကထုတ်ပြန်လာပါတယ်။
EPC ရုံးမန်နေဂျာနဲ့ စစ်ကောင်စီတပ်ဖွဲ့ ၃ ဦး ပါတဲ့ကားကို မန္တလေး ကျောက်ဆည်လမ်း ၊စဉ့်ကိုင် ပေါ်တော်မူဘုရားအနီးမှာ ဒီနေ့ ညနေပိုင်း ၃ နာရီမထိုးခင်က ကြားဖြတ်တိုက်ခိုက်ခဲ့တာလို့သိရပါတယ်။
တိုက်ခိုက်မှုကြောင့် ကားပေါ်မှာလိုက်ပါလာတဲ့စစ်ကောင်စီတပ်ဖွဲ့ဝင် ၁ ဦး သေဆုံးသလို ကျန်တဲ့သူတွေလည်းဒဏ်ရာရနိုင်ခြေရှိတယ်လို့ဆိုထားပါတယ်။
အဲဒီတိုက်ခိုက်မှုကို မြစ်ငယ် မြို့ပြပြောက်ကျားအထူးတပ်ဖွဲ့၊Truth Keeping Force – Amarapuraနဲ့ ဇာမဏီ ပြောက်ကျားတပ်ဖွဲ့တို့က ပူးပေါင်းလုပ်ဆောင်ခဲ့တာဖြစ်ပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)