မကွေးတိုင်း ထီးလင်းမြို့နယ်တွင် စစ်ကောင်ဏီတပ်က သရခါရွာမှ ပြည်သူလူထု နေအိမ်များကို မီးရှို့ခဲ့ရာ စစ်ကောင်စီတပ်များထွက်ခွာသွားပြီးနောက် ယောဒေသကကာကွယ်ရေးတပ်(YDF) -ထီးလင်း နှင့် ပြည်သူ့ကာကွယ်ရေတပ်(PDF)-ထီးလင်း တို့မှ ရဲဘော်များက နေအိမ်များကို မီးငြှိမ်းသတ်ပေး ခဲ့ကြောင်း ဂန့်ဂေါခရိုင်ရှိ ပြည်သူ့ကာကွယ်ရေးတပ်ရင်းများက သတင်းထုတ်ပြန်သည်။
စစ်ကောင်စီတပ်သည် အောက်တိုဘာ ၆ရက်တွင် ရွှေအောင်သာဘက်မှ ထီးလင်းဘက်သို့ အင်အား ၈၀ခန့်ဖြင့်ထွက်လာသောစစ်ကောင်စီတပ်ကို လက်နက်ကြီးများ ၊ပဒေသာမိုင်းများဖြင့်ဖောက်ခွဲတိုက်ခိုက်ရာ စစ်ကောင်စီတပ်က ပြန်လည်၍ရမ်းသန်းပစ်ခတ်ခဲ့သည်။ထိုအပြင် သရခါရွာဘုရားကုန်းအနီးတွင် ကင်းပုန်းယူထားသည့် စစ်ကောင်စီတပ်အား ထီးလင်း PDF က ၆၀ မမ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း ဖော်ပြထားပြီး အောက်တိုဘာ ၇ရက် နံနက်တွင် စစ်ကောင်စီတပ်က သရခါရွာရှိ ပြည်သူလူထုနေအိမ် အချို့ကို မီးစတင်ရှို့ခဲ့သည်ဟုထုတ်ပြန်ချက်တွင်ဖော်ပြထားသည်။
![(ပြည်သူ့ကာကွယ်ရေးတပ်ဖွဲ့ဝင်များက မီးငြှိမ်းသတ်ပေးပြီးစပါးများမီးမလောင်စေရန်ကူညီသယ်ဆောင်ပေးနေစဥ်။ ဓါတ်ပုံ-PDF-ထီးလင်း)](https://i0.wp.com/www.ludunwayoo.com/wp-content/uploads/2022/10/310308351_484484547074336_5906182380716767242_n.jpg?resize=880%2C406&ssl=1)
ထိုသို့မီးရှို့ခဲ့၍ အဆိုပါ ကျေးရွာရှိ နေအိမ် ၆လုံး မီးလောင်ကျွမ်းခဲ့ရာ ဒေသကာကွယ်ရေး အဖွဲ့များ၊ ထီးလင်း PDF တို့မှ ဝိုင်းဝန်း မီးငြှိမ်းသတ်ပေးကြသလို ၊မီးငြှိမ်းသတ်နေစဉ် လုံခြုံရေးယူပေးခဲ့ကြောင်းလည်း အသိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
မီးညွှန့်ကျိုးပြီး စပါးကျီများ မီးစွဲလောင်နေစဉ် ကျန်နေသော စပါးများကို မီးလွတ်ရာသို့ ရွှေ့ပြောင်းရာတွင်လည်း ကူညီပေးခဲ့သည်ဟုအသိပေးထာသည်။
![(ပြည်သူ့ကာကွယ်ရေးတပ်ဖွဲ့ဝင်များက မီးငြှိမ်းသတ်ပေးပြီးစပါးများမီးမလောင်စေရန်ကူညီသယ်ဆောင်ပေးနေစဥ်။ ဓါတ်ပုံ-PDF-ထီးလင်း)](https://i0.wp.com/www.ludunwayoo.com/wp-content/uploads/2022/10/309186965_484484600407664_5121475403481996778_n.jpg?resize=880%2C406&ssl=1)
စစ်ဘေးရှောင် ပြည်သူများ အန္တရာယ်ကင်းရှင်းစေရေးအတွက် မိုင်းကွင်းများ ပြန်လည်အသက်မဲ့စဉ် မတော်တဆ ပေါက်ကွဲမှု့ ဖြစ်ပွါးခဲ့ပြီး ထီးလင်း PDFမှ ရဲဘော်နှစ်ဦး ဒဏ်ရာရခဲ့ပြီး အသက်အန္တရာယ် မစိုးရိမ်ရကြောင်း ထီးလင်း PDFက ထုတ်ပြန်သည်။
စစ်ကောင်စီတပ်ကိုလက်နက်ကြီးများ၊မိုင်းများဖြင့်ပစ်ခတ်ဖောက်ခွဲတိုက်ခိုက်စဥ် ထိခိုက်သေဆုံးမှုရှိ၊မရှိကို ပြည်သူ့ကာကွယ်ရေတပ်(PDF)-ထီးလင်းသို့ People’s Spring ကဆက်သွယ်မေးမြန်းထားပြီးပြန်လည်ဖြေကြားခြင်းမရှိသေးပေ။
ပြည်သူများ အနေဖြင့် စစ်ကော်စီတပ် စစ်ကြောင်းများရှိပါက စစ်ကြောင်းဦးတည်ရာ လမ်းကြောင်းများသို့ မသွားစေလိုဟုလည်း ထီးလင်း PDFက မေတ္တာရပ်ခံထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)