ရံပုံငွေပွဲတွင် ကန်ဒေါ်လာ သုံးသောင်းကျော် ရောင်းချခဲ့ရ
အမေရိကန်နိုင်ငံ နယူးယောက်မြို့တွင် ပြည်ပရောက်မြန်မာများ (NYCBC) အဖွဲ့မှ ဦးဆောင်ကာ ယမန်နေ့ (အောက်တိုဘာ ၈)က နွေဦးတော်လှန် ရေး ရံပုံငွေဈေးရောင်းပွဲ ပြုလုပ်ခဲ့ကြသည်။
ဈေးရောင်းပွဲတွင် မြန်မာအစားအသောက်မျိုးစုံ ၊မြန်မာအဝတ်အထည်မျိုးစုံနှင့် မြန်မာ့လက်မှု့အနုပညာအမျိုးမျိုးတို့ ရောင်းချခဲ့ကြပြီး ရံပုံငွေရှာဖွေခဲ့ကြသည်။
ဈေးရောင်းပွဲသို့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်း အပါအဝင် နယူးယောက်ရှိ မြန်မာပြည်ဖွားတိုင်းရင်းသားများ လာရောက်ကာ ဆင်နွှဲခဲ့ကြကြောင်း NYCBC က ဖော်ပြသည်။
အဆိုပါ ရံပုံငွေရှာဖွေရေး ဈေးရောင်းပွဲကို နယူးယောက်မြို့ Queen County ရှိ St. James Episcopal Church တွင် ဒေသစံတော်ချိန် နေ့လည် ၁၁နာရီမှ ညနေ ၅နာရီထိ ကျင်းပခဲ့ပြီး အမေရိကန်ဒေါ်လာ ၃သောင်းကျော် ရှာဖွေရရှိခဲ့ကြောင်း NYCBCက ထုတ်ပြန်သည်။
