သီတင်းကျွတ်လပြည့်နေ့ ဖြစ်တဲ့ ဒီနေ့ မနက်ပိုင်းက မန္တလေးမှာ ဗုံးပေါက်ကွဲမှုဖြစ်ပွားခဲ့ပါတယ်။
ချမ်းအေးသာစံမြို့နယ် ၊ ၆၂ လမ်း လမ်းမပေါ်က လမ်းလယ်ကျွန်းမှာ ပေါက်ကွဲမှုဖြစ်ခဲ့တာလို့သိရပါတယ်။
၂ ဆင့်ဆက်တိုက်ပေါက်ကွဲမှုဖြစ်ခဲ့တာဖြစ်ပြီး လမ်းသွားလမ်းလာအချို့ ထိခိုက်ဒဏ်ရာရသွားတယ်လို့ ကနဦးစုံစမ်းသိရပါတယ်။
“အသံကတော့ တော်တော်အကျယ်ကြီးပဲ ၊ကလေးသိပ်ထားတာ တောင် လန့်နိုးသွားတယ် ၊ပေါက်ကွဲတဲ့အရှိန်က တော်တော်ပြင်းပုံရတယ်”လို့ အနီးပတ်ဝန်းကျင်မှာနေထိုင်သူဒေသခံတစ်ဦးကပြောပါတယ်။
ပြီးခဲ့တဲ့ ဧပြီလအတွင်းကလည်း ချမ်းအေးသာစံမြို့နယ်၊ ၆၂ လမ်းမပေါ် လမ်းလယ်ကျွန်းမှာ ပေါက်ကွဲမှုဖြစ်ပြီး ပေါက်ကွဲချိန်ဖြတ်သွားတဲ့ အိမ်စီးကားတစ်စီးထိခိုက်ကာ ကားပေါ်လိုက်ပါလာသူ တွေထိခိုက်ဒဏ်ရာရခဲ့ပါသေးတယ်။
