မလေးရှားနိုင်ငံနှင့် ထိုင်းနိုင်ငံတို့တွင် ယနေ့(အောက်တိုဘာ ၉)၌ ပြည်ပရောက် မြန်မာနိုင်ငံသားများ ဦးဆောင်၍ နွေဦးတော်လှန်ရေး စျေးရောင်းပွဲ၊ ဖျော်ဖြေပွဲနှင့် ရန်ပုံငွေကောက်ခံပွဲများ ကျင်းပပြုလုပ်ခဲ့ကြသည်။
![ဓာတ်ပုံ - CJ](https://i0.wp.com/www.ludunwayoo.com/wp-content/uploads/2022/10/309460971_485367443652713_8995748949276179282_n.png?resize=880%2C663&ssl=1)
ယနေ့ နံနက်ပိုင်းတွင် မလေးရှားနိုင်ငံ ဂျိုးဟိုးပြည်နယ်၌ စစ်ဘေးရှောင်ပြည်သူများနှင့် မီးဘေးသင့်ပြည်သူများအတွက် ကူညီထောက်ပံ့နိုင်ရေး နွေဦးတော်လှန်ရေး ရန်ပုံငွေ စျေးရောင်းပွဲနှင့် ဖျော်ဖြေပွဲများ ပြုလုပ်ခဲ့ကြသည်။
ထို့အပြင် ထိုင်းနိုင်ငံ ဘန်ကောက်မြို့တွင်လည်း Under Ground UG Family အဖွဲ့မှ ဦးဆောင်ကာ ယနေ့ နေ့လည်ပိုင်းတွင် နွေဦးတော်လှန်ရေး ရန်ပုံငွေရရှိရေး အလှူငွေကောက်ခံမှုများ ပြုလုပ်ခဲ့ကြသည်။
![ဓာတ်ပုံ - CJ](https://i0.wp.com/www.ludunwayoo.com/wp-content/uploads/2022/10/309870994_485367663652691_1669295653392386319_n.jpg?resize=880%2C1173&ssl=1)
![ဓာတ်ပုံ - CJ](https://i0.wp.com/www.ludunwayoo.com/wp-content/uploads/2022/10/309637624_485367550319369_1000164079964087005_n.jpg?resize=880%2C1168&ssl=1)
ယမန်နေ့(အောက်တိုဘာ ၈ ရက်)တွင်လည်း အမေရိကန်နိုင်ငံ နယူးယောက်မြို့ Queen ကောင်တီတွင် ပြည်ပရောက်မြန်မာများ (NYCBC)အဖွဲ့မှ ဦးဆောင်ကာ နွေဦးတော်လှန်ရေးရံပုံငွေဈေးရောင်းပွဲ ကျင်းပပြုလုပ်ခဲ့ရာ အမေရိကန်ဒေါ်လာ သုံးသောင်းကျော် ရှာဖွေရရှိခဲ့ကြောင်း NYCBCက ထုတ်ပြန်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)