အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ Twitter လူမှုကွန်ရက်စာမျက်နှာ ဖွင့်လှစ်ထားပြီး စတင်အသက်ဝင်လှုပ်ရှားနေပြီ ဖြစ်ကြောင်း ကာကွယ်ရေးဝန်ကြီးဌာနက ယနေ့ ထုတ်ပြန်အသိပေးသည်။
Twitter လူမှုကွန်ရက်တွင် @mod_nug ကို Follow လုပ်ထားခြင်းအားဖြင့် ကာကွယ်ရေးဝန်ကြီးဌာန၏ လှုပ်ရှားဆောင်ရွက်မှုများ၊ အရေးကြီးသည့် ဆုံးဖြတ်ချက်များနှင့် မူဝါဒများ၊ နွေဦးတော်လှန်ရေးအတွက် အရေးပါသည့် အလှည့်အပြောင်းများ၊ နိုင်ငံတဝန်းနေ့စဉ်ဖြစ်ပျက်နေသည့် အခြေအနေများစွာထဲမှ အဓိကကျသည့် အဖြစ်အပျက်များကို စဉ်ဆက်မပြတ်သိရှိနိုင်မည်ဖြစ်သည်ဟု ထုတ်ပြန်သည်။
ထို့အပြင် နွေဦးတော်လှန်ရေးမှ မွေးဖွားလာသည့်၊ အနာဂတ် ဖက်ဒရယ်တပ်မတော်၏ အမြုတေဟုဆိုရမည့် နွေဦးတော်လှန်ရေး ခုခံတော်လှန်စစ်ကိုဆင်နွှဲနေသော ပြည်သူ့ကာကွယ်ရေးတပ်မတော်နှင့်တော်လှန်ရေး ရဲဘော်များ၏ လှုပ်ရှားမှုများကိုလည်း အလျဉ်းသင့်သလိုဖော်ပြသွားမည်ဟု အသိပေးထားသည်။
ကာကွယ်ရေးဝန်ကြီးဌာန၏ Twitter လူမှုကွန်ရက်မှတစ်ဆင့် ပြည်တွင်းလူထု၊ နိုင်ငံတကာရောက်အင်အားစု၊ နိုင်ငံတကာ အသိုင်းအဝိုင်းတို့နှင့်ထိတွေ့ဆက်စပ်မှု ပိုမိုအားကောင်းစေရေး ဆက်လက် အားထုတ်သွားမည်ဖြစ်ကြောင်း ထုတ်ပြန်သည်။
