မန္တလေးတိုင်း ၊ ပြင်ဦးလွင်မြို့နယ် ရေချမ်းအိုးမြောက်ရွာက နေအိမ် တစ်အိမ်မှာ အမျိုးသမီးကြီး တစ်ဦးဓားနဲ့ထိုးသတ်ခံရပြီး ကျန်တဲ့ မိသားစုဝင် ၃ ဦးလည်း ဓားဒဏ်ရာတွေရနေတာတွေ့ရလို့ ဆေးရုံဆီပို့ဆောင်ခဲ့ရကြောင်း ပြင်ဦးလွင် နာမှုကူညီရေးအသင်းက ပြောပါတယ်။
ဒီလူသတ်မှု ဘာကြောင့်ဖြစ်ပွားရလဲဆိုတာကိုတော့တိတိကျကျ မသိရသေးပါဘူး။
ထွက်ပေါ်လာတဲ့အတည်မပြုနိုင်တဲ့သတင်းတွေအရတော့ အိမ်ထဲကို သူခိုးဝင်တာကို မိသွားရာကနေ သူခိုးက အိမ်သားတွေကို သတ်ဖြတ်ခဲ့တာလို့ သတင်းထွက်ပေါ်နေပါတယ်။
ပြီးခဲ့တဲ့ စက်တင်ဘာလအတွင်းကလည်း ပြင်ဦးလွင် မြို့နယ်အတွင်းက ကျေးရွာ တစ်ရွာမှာ မိသားစုဝင် ငါးဦး ရက်ရက်စက်စက်သတ်ဖြတ်ခံရတဲ့ ငါးလောင်းပြိုင်လူသတ်မှုဖြစ်ခဲ့ပါသေးတယ်။
မန္တလေးတိုင်းမှာ စစ်တပ်အာဏာသိမ်းပြီးနောက် လူသတ်မှုတွေ ၊ ဓားပြမှုတွေ ၊လုယက်မှုတွေမကြာခဏဖြစ်ပွားနေတာတွေ့ရပါတယ်။
