စစ်ကိုင်းတိုင်း၊ ယင်းမာပင်အခြေစိုက် People’s Defence Army-Yinmarbinအဖွဲ့သို့ မုံရွာ ရဲတပ်ရင်းမှ ရဲတပ်သားနှစ်ဦး လက်နက်ခဲယမ်းအပြည့်အစုံဖြင့် CDM ဝင်ရောက်လာခဲ့ရာ ကျပ်သိန်း၅ဝ စီချီးမြှင့်ခဲ့ကြောင်း PDA ပြန်ကြားရေးတာဝန်ခံက ပြောသည်။
People’s Defence Army-Yinmarbin အဖွဲ့သို့ မုံရွာ ရဲတပ်ရင်း(၂၈)မှ CDM ရဲတပ်သား ကိုအောင်ကိုကိုနှင့် ကိုမိုးလင်းအောင်တို့နှစ်ဦးသည် လက်နက်ခဲယမ်း အပြည့်အစုံဖြင့် CDM ဝင်ရောက်လာခဲ့ရာ(PDA)အဖွဲ့အစည်းခေါင်းဆောင်ကိုယ်တိုင် တစ်ဦးလျှင် ကျပ်သိန်း၅၀စီ ဆုချီးမြင့်ခဲ့ခြင်းဖြစ် ကြောင်း PDA ပြန်ကြားရေးတာဝန်ခံက ပြောသည်။
CDM ဝင်ရောက်လာသူ ရဲတပ်သားနှစ်ဦးသည် နှစ်ဦးလုံး ၂၀ကျော်ဝန်းကျင်အရွယ်များဖြစ်ပြီး အခက်အခဲများဖြင့် ခေါ်ဆောင်ခဲ့ရကြောင်း၊ ပြည်သူအားလက်နက်အားကိုးဖြင့် သတ်ဖြတ်နေသည်ကို လက်မခံနိုင်၍ နှစ်ဦးလုံး CDMဝင်ရောက်ချင်သည်မှာကြာပြီဖြစ်ပြီး အခွင့်မသာ၍ ကြန့်ကြာနေခြင်းဖြစ်ကြောင်း PDA ပြန်ကြားရေးတာဝန်ခံက ပြောသည်။
PDA ပြန်ကြားရေးတာဝန်ခံက “နှစ်ဦးလုံး တော်လှန် ရေးမှာ ပါဝင်နေကြပါတယ်ဗျ။ ခုဆို သူတို့ဝင်ရောက်ခဲ့စဉ်အတွင်းမှ ယနေ့အချိန်ထိ ၃ပွဲမစ်ရှင်ထွက်ခဲ့ပြီးပါပြီ။ သူတို့ ဝင်ရောက်လာတာတစ်လ ကျော်ပါပြီဗျ။ သူတို့ စရောက်တဲ့ နေ့ကတည်းက သူတို့ကိုကြိဆိုပွဲလုပ်ပေးတယ်။ ပြီးတော့ စောင့်ကြည့်အနေထားနဲ့တစ်လပေါ့ စောင့်ကြည့်ခဲ့တယ်။ ခုစိတ်ချရမှ ဂုဏ်ပြုပွဲလုပ်ပေးခြင်းဖြစ်ပါတယ်။”ဟု ရှင်းပြသည်။
စစ်တပ်အာဏာသိမ်းပြီးနောက် CDM လှုပ်ရှားမှုများ ပြုလုပ်လာခဲ့ကြရာ ယခုနှစ် နှစ်လယ်ပိုင်းအထိ CDM ရဲဝန်ထမ်း ၃,၀၀၀နီးပါးရှိကြောင်း NUGက အသိပေးထားသည်။
