စစ်ကိုင်းတိုင်း၊ မုံရွာမြို့တွင် စစ်ကောင်စီတပ်ယာဥ်တစ်စီးပေါ်သို့ လက်ပစ်ဗုံးပစ်သွင်း တိုက်ခိုက်ခဲ့ရာ ထိခိုက်သေဆုံးမှုများရှိကြောင်း မြန်မာ့တော်ဝင်နဂါးတပ်တော်တပ်ခွဲ(MRDA Monywa)၏ ပြန်ကြားရေးတာဝန်ခံက ပြောသည်။
ယမန်နေ့(အောက်တိုဘာ ၁၄ ရက်) ညနေ ၅ နာရီ ၄၁မိနစ်ခန့်က မုံရွာမြို့တောင်ဘက်အထွက် ဘိုးဘွားရိပ်သာနှင့် စက်မှုဇုန်အနီး မြောက်ဘက်သို့ ခေါင်းတည်ထားသော မိုးကာအုပ်စစ်ကားကြီးတစ်စီးအား လက်ပစ်ဗုံးတစ်လုံး ပစ်ထည့်ကာ တိုက်ခိုက်ခဲ့ကြောင်း၊ စစ်ကောင်စီတပ်ဖွဲ့ဝင် သုံးဦးခန့်သေဆုံးနိုင်ပြီး အများအပြားဒဏ်ရာရရှိနိုင်ကြောင်း MRDA Monywa၏ ပြန်ကြားရေးတာဝန်ခံက ပြောသည်။
“ွေး ကား သုံးစီးမှာ စစ်ဆေးမှုကို ၅နာရီ၃၁မိနစ်မှာ စတင်ပြီး မိနစ် ၄၀ခန့်မှာ သူတို့ကားပေါ်အတက် ကျွန်တော်တို့ရဲဘော်တစ်ဦးက သံပုရာသီးတစ်လုံးကို ကွင်းဖြုတ်အပြီး ဆိုင်ကယ်မောင်းနှင်ပြီး ကားအနီးမှာရောက်တော့ Speed လေးလျှော့ပြီး ရော့ဆိုပြီး ပစ်ပေးလိုက်တာ။ သူတို့လက်ဝယ်အရောက်မှာ အုန်းဆိုပြီးပေါက်ကွဲသွားပြီး သုံးလေးစက္ကန့်အကြာမှာ တောက်လျှောက်ပစ်တော့တာပါပဲဗျာ။ ကျွန်တော်တို့ဒီမစ်ရှင်မှာ ွေးတွေဝဲလည်နေတဲ့ကြားထဲမှာ ပြုလုပ်ရတဲ့အတွက် ဗွီဒီယိုရိုက်ဖို့နေရာကောင်းမရှိခဲ့လို့ မရခဲ့ပါဘူး။ သုံးကောင်အထက်သေပါတယ်”ဟု ပြန်ကြားရေးတာဝန်ခံက ဆိုသည်။
အဆိုပါ စစ်ဆင်ရေးအား နွေဦးသစ္စာပြောက်ကျားတပ်ဖွဲ့၊ Nation People Defence Force၊ Monywa Generation အဖွဲ့တို့က ပူးပေါင်းတိုက်ခိုက်ခဲ့ကြကြောင်း အသိပေးထားသည်။
စစ်အာဏာရှင် ဆန့်ကျင်မှုအားကောင်းသည့် မုံရွာမြို့တွင် စစ်ကောင်စီတပ်က နေ့စဥ် ပိတ်ဆို့စစ်ဆေးမှုများ ပြုလုပ်နေပြီး ခြိမ်းခြောက်ငွှေညှစ်ခြင်း၊ ရိုက်နှက်ဖမ်းဆီးခြင်းများ ပြုလုပ်လျက်ရှိသည်။
