အာရှလမ်းမပေါ်တွင် ယနေ့မနက်ပိုင်းကစ၍ တိုက်ပွဲဖြစ်ပွားနေသဖြင့် ကားအစီးရာနှင့်ချီပိတ်မိနေတယ်လို့ ခရီးသွားလာသူများ၏ ပြောဆိုချက်အရ သိရသည်။
ကရင်အမျိုးသားအစည်းအရုံး တပ်မဟာ(၆)ထိန်းချုပ်နယ်မြေအတွင်း စစ်ကောင်စီတပ်နှင့် KNLA ပူးပေါင်းတပ်ဖွဲ့တို့အကြား ထိတွေ့တိုက်ပွဲဖြစ်ပွားနေပွားနေခြင်းဖြစ်သည်။
အောက်တိုဘာလ(၁၈)ရက် ညပိုင်းလောက်မှစပြီး အာရှလမ်းမအနီး တောနောရေတံခွန်တွင် စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော်(KNLA) ပူးပေါင်းတပ်တို့အကြား တိုက်ပွဲဖြစ်ပွားခဲ့တာဖြစ်ပြီး ထိုတိုက်ပွဲဟာ ယနေ့မနက်ပိုင်းတွင်လည်း တိုက်ပွဲဆက်လက်ဖြစ်ပွားနေသည်ဟု ဒေသခံတွေကဆိုသည်။
လက်ရှိမှာ KNLA ပူးပေါင်းတပ်ဖွဲ့များဖြစ်ကြသည့် ကျားဖြူစစ်ကြောင်းနှင့် မဟာမိတ်တပ်ပေါင်းစုများ လှုပ်ရှားနေကြပြီး သတင်းကောင်းများလည်း ပြောခွင့်ရသည့်အချိန် ပြောပြမည်ဟု Justice Soldier -PDF က ပြောသည်။
ထို့အပြင် တပ်မဟာ(၆)နယ်မြေ ဒေါနအရှေ့ဘက်ခြမ်းဖြစ်သည့် ကော်ဘရာစစ်ကြောင်းလုံခြုံရေးတာဝန်ယူထားသည့် ရှေ့တန်းစစ်မျက်နှာတစ်ခုတွင် ကော်ဘရာစစ်သည်တွေ၏ စနိုက်ပါလက်ချက်ကြောင့် စစ်ကောင်စီဘက်မှ ဗျူဟာမှူးအဆင့်ရှိသူတစ်ဦး သေဆုံးသွားခဲ့သည်ဟု ရှေ့တန်းစစ်မျက်နှာနှင့် နီးစပ်သူများဆီကနေ ကြားသိရသည်။
“ဗျူဟာမှူးအသားစိမ့်နေတာပဲအေ လွှတ်ကောင်း။ အကောင်ကြီးကြီး ထိသွားတော့ ဆက်တိုက်ထုတော့တာပဲ” ဟု ပူးပေါင်းတပ်ဖွဲ့ဝင်တွေ့ သူတို့၏လူမှုကွန်ယက်တွင်ရေးသားထားသည်။
လက်ရှိမှာ ကော်ဘရာစစ်ကြောင်းလုံခြုံရေးတာဝန်ယူထားသည့် ဒေသတွင် စစ်ကောင်စီဘက်မှ လက်နက်ကြီးများဖြင့် ပစ်ခတ်မှုများလုပ်ဆောင်နေလျက်ရှိသည်ဟု ပူးပေါင်းတပ်ဖွဲ့များဆီကနေ သိရသည်။
