ဧရာဝတီမြစ်အတိုင်းဆန်တက်လာသည့် စစ်ကောင်စီရေယာဥ်အုပ်စု ပစ်ခတ်မှုကြောင့် (၁၃)နှစ်အရွယ်ကလေးငယ်တစ်ဦး သေဆုံးခဲ့ကြောင်း ကသာမြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်သည်။
ယနေ့(အောက်တိုဘာ ၂၃ ရက်)က ရေယာဥ်ခုနစ် စီးပါ စစ်ကောင်စီတပ်သည် ကသာမြို့နယ်၊မိုးတားလေးကျေးရွာမှ အထက်သို့ ဆန်တက်လာစဥ် ဧရာဝတီမြစ်ဘေးတစ်လျှောက်ရှိ ကျေးရွာများကို ရမ်းသမ်းပစ်ခတ်ခဲ့ခြင်းဟု ဆိုသည်။
![ဧရာဝတီမြစ်အတိုင်းဆန်တက်လာသည့် စစ်ကောင်စီရေယာဥ်အုပ်စု ပစ်ခတ်မှုကြောင့် (၁၃)နှစ်အရွယ်ကလေးငယ်တစ်ဦး သေဆုံး](https://i0.wp.com/www.ludunwayoo.com/wp-content/uploads/2022/10/312385524_496076859248438_8241126373278461346_n.jpg?resize=880%2C454&ssl=1)
“ကလေးမလေးက စခတွေပစ်တဲ့ လက်နက်ကြီးကျည်စမှန်ဆုံးတာ။ကသာမြို့နယ်ထဲက ဆင်ကုန်တိုင်ရွာမှာ”ဟု ကသာမြို့နယ်ပြည်သူ့အုပ်ချုပ်ရေးအဖွဲ့တာဝန်ရှိသူက ပြောသည်။
ထို့အပြင် စစ်ကောင်စီသင်္ဘောအုပ်စုသည် ဆန်တက် ရာ လမ်းတစ်လျှောက်ရှိ ကျေးရွာများကို အကြောင်းမဲ့ပစ်ခတ်မှုကြောင့် လူနေအိမ်များပျက်စီးဆုံးရှုံးခြင်း၊အပြစ်မဲ့ပြည်သူများသေဆုံးခြင်းဖြစ်ပေါ်ခဲ့သဖြင့် ၎င်းတို့၏ အကြမ်းဖက် လုပ်ရပ်အား မှတ်တမ်းတင်ထားရှိပြီး ထိရောက် စွာအရေးယူနိုင်ရေး ဆောင် ရွက်သွားမည်ဟု ကသာမြို့နယ်ပြည်သူ့အုပ်ချုပ်ရေးအဖွဲ့က ကတိပြုသည်။
![ဧရာဝတီမြစ်အတိုင်းဆန်တက်လာသည့် စစ်ကောင်စီရေယာဥ်အုပ်စု ပစ်ခတ်မှုကြောင့် (၁၃)နှစ်အရွယ်ကလေးငယ်တစ်ဦး သေဆုံး](https://i0.wp.com/www.ludunwayoo.com/wp-content/uploads/2022/10/312565912_496076755915115_4973530025841846364_n.jpg?resize=714%2C478&ssl=1)
“အကြမ်းဖက်အဖွဲ့အစည်း စစ်ကောင်စီရဲ့ ရိက္ခာသင်္ဘောတွေရဲ့ လုံခြုရေး အခြေအနေကတော့ အံ့မခန်းပါပဲ။ မြေပြင်ရော ဝေဟင်ရော ပြည်သူတွေကို ဒုက္ခကောင်းကောင်းပေးနိုင်တာမို့ ပြည်သူများ သတိရှိကြပါ”ဟု Myohla K-PDF ကလည်း သတိပေးသည်။
![ဧရာဝတီမြစ်အတိုင်းဆန်တက်လာသည့် စစ်ကောင်စီရေယာဥ်အုပ်စု ပစ်ခတ်မှုကြောင့် (၁၃)နှစ်အရွယ်ကလေးငယ်တစ်ဦး သေဆုံး](https://i0.wp.com/www.ludunwayoo.com/wp-content/uploads/2022/10/312716666_496076845915106_6394394534471283608_n.jpg?resize=713%2C377&ssl=1)
![ဧရာဝတီမြစ်အတိုင်းဆန်တက်လာသည့် စစ်ကောင်စီရေယာဥ်အုပ်စု ပစ်ခတ်မှုကြောင့် (၁၃)နှစ်အရွယ်ကလေးငယ်တစ်ဦး သေဆုံး](https://i0.wp.com/www.ludunwayoo.com/wp-content/uploads/2022/10/312617270_496076905915100_1294597641642043633_n.jpg?resize=720%2C587&ssl=1)
ထို့အပြင် စစ်ကောင်စီရေယာဥ်အုပ်စုမှာ ရွှေကူ မြို့နယ်အတွင်းသို့ ရောက်ရှိနေပြီဟု အဆိုပါ တပ်ဖွဲ့က ဆိုသည်။
မြေပြင်ရှိ ပြည်သူ့တပ်ဖွဲ့များ၏ ပြောဆိုချက်အရ စစ်ကောင်စီရေယာဥ်အုပ်စုသည် ဗန်းမော်ဆိပ်ကမ်းသို့ ဦးတည်နေပြီး လက်နက်၊ခဲယမ်း ရိက္ခာများပါရှိသည်ဟု ဆိုသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)