စစ်ကိုင်းတိုင်း၊ မြောင်မြို့နယ်တွင် လက်နက်ကိုင်ရမ်းကားသူ လူတစ်စုက သတ်ဖြတ်ခဲ့၍ ကျဆုံးခဲ့သည့် ရဲဘော်တစ်ဦး၏ စျာပနအား ယနေ့ပြုလုပ်ခဲ့ရာ ဒေသခံပြည်သူအများအပြား လိုက်ပါပို့ဆောင်ခဲ့ကြသည်။
အောက်တိုဘာ ၁၇ရက် ညပိုင်းက တော်လှန်ရေးအယောင်ပြ လက်နက်ကိုင်သောင်းကျန်းနေသူလူတစ်စု၏ သတ်ဖြတ်ခြင်းခံခဲ့ရသည့် အသက် (၂၃)နှစ်အရွယ် ရဲဘော်အောင်ခိုင်သူ၏ စျာပနအခမ်းအနားအား ယနေ့ ပြုလုပ်ခဲ့သည်။
ကျဆုံးရဲဘော်သည် မုံရွာမြို့ဇာတိ ပညာတက်လူငယ်တစ်ဦးဖြစ်ပြီး ပရဟိတအလုပ်များဖြင့် ရပ်ကျိုးရွာအကျိုးအား သွန်ခွန်စိုက်လုပ်ကိုင်ခဲ့သူ ဖြစ်သည်။
![ကျဆုံးရဲဘော်၏ စျာပနအား တွေ့ရစဥ်၊ ဓာတ်ပုံ-ကိုနွေဦး(မြောင်)](https://i0.wp.com/www.ludunwayoo.com/wp-content/uploads/2022/10/312869290_496307452558712_9142018916774421473_n.png?resize=720%2C324&ssl=1)
![ကျဆုံးရဲဘော်၏ စျာပနအား တွေ့ရစဥ်၊ ဓာတ်ပုံ-ကိုနွေဦး(မြောင်)](https://i0.wp.com/www.ludunwayoo.com/wp-content/uploads/2022/10/312656309_496307555892035_4474148442986918853_n.png?resize=720%2C324&ssl=1)
![ကျဆုံးရဲဘော်၏ စျာပနအား တွေ့ရစဥ်၊ ဓာတ်ပုံ-ကိုနွေဦး(မြောင်)](https://i0.wp.com/www.ludunwayoo.com/wp-content/uploads/2022/10/312849469_496307649225359_4141628019346094757_n.png?resize=720%2C324&ssl=1)
![ကျဆုံးရဲဘော်၏ စျာပနအား တွေ့ရစဥ်၊ ဓာတ်ပုံ-ကိုနွေဦး(မြောင်)](https://i0.wp.com/www.ludunwayoo.com/wp-content/uploads/2022/10/312832682_496307762558681_3067296609502082311_n.png?resize=720%2C324&ssl=1)
တော်လှန်ရေးကာလ ၎င်းဖခင်၏မွေးရပ်မြေ မြောင်မြို့နယ်သို့လာရောက်ကာ အာဏာရှင်ဆန့်ကျင်ရေးလုပ်ငန်းများ အဆက်မပျက်လုပ်ကိုင်ခဲ့သူဖြစ်ကြောင်း၊ သို့သော် မသမာသူ လူတစ်စု၏ အယုံသွင်းကာ ငွေယူ လူသတ်အလောင်းဖျောက်ဖြတ်ခြင်းခံလိုက်ရသူဖြစ်ကြောင်း CDSOMက အသိပေးသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
၎င်းရဲဘော်အား တော်လှန်ရေးအရေခြုံလက်နက်ကိုင်လူတစ်စုက လက်နက်ဝယ်ယူပေးမည်ဟုအကြောင်းပြကာ ငွေကိုလိမ်လည်ယူပြီး လူသတ်သွားခြင်းဖြစ်ကြောင်း၊ ၎င်းအဖွဲ့ကိုလည်း ဖမ်းဆီးထားနိုင်ပြီဖြစ်ကြောင်း CDSOM အဖွဲ့က အသိပေးထားသည်။
မြောင်မြို့နယ် ပြည်သူ့ကာကွယ်ရေးအဖွဲ့ CDSOMနှင့် တော်လှန်ရေးအင်အားစုများက သူရဲကောင်းနှင့် ထိုက်တန်သောအလေးပြု အခမ်းအနားဖြင့်ဂုဏ်ပြုခဲ့ကြသည်ဟု အသိပေးသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)