ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၂၇) ကော်ဘရာစစ်ကြောင်း လုံခြုံရေးတာဝန်ယူထားသည့် လေးကေ့ကော်မြို့သစ်အနီးရှိ တောင်ကုန်းများသို့ စစ်ကောင်စီတပ်က အမျိုးအမည် စိစစ်ဆဲဗုံးများ အသုံးပြုကြဲချတိုက်ခိုက်ခဲ့ကြောင်း ကော်ဘရာ စစ်ကြောင်းက သတင်းထုတ်ပြန်သည်။
ယမန်နေ့(အောက်တိုဘာ ၂၂ရက်) ည ၁၁နာရီခွဲခန့်တွင် မှော်ဘီလေတပ်စခန်းမှ ပျံတက်လာခဲ့သည့် တိုက်လေယာဉ် နှစ်စီးသည် လေးကေ့ကော်မြို့သစ်အနီးရှိ တောင်ကုန်းများသို့ နှစ်ကြိမ် ဗုံးကြဲတိုက်ခိုက်ခဲ့သည်ဟု ဖော်ပြထားသည်။
![ဓာတ်ပုံ - Cobra Column](https://i0.wp.com/www.ludunwayoo.com/wp-content/uploads/2022/10/312662639_496486912540766_291210866945391116_n.jpg?resize=880%2C587&ssl=1)
အဆိုပါတိုက်ခိုက်မှုကြောင့် တောတောင်များ ပျက်စီးမှုဖြစ်ခဲ့သော်လည်း ကော်ဘရာစစ်သည်တော်များ ထိခိုက်ကျဆုံးမရှိကြောင်း အသိပေးထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီမှ ကြဲချတိုက်ခိုက်လာသည့် လေလာဉ်ဗုံး အကြွင်းအကျန်များကိုလည်း အများပြည်သူ သိရှိလေ့လာနိုင်ရန်အတွက် ကော်ဘရာစစ်ကြောင်းက ဓာတ်ပုံမှတ်တမ်းများနှင့်အတူ ထုတ်ပြန်ဖော်ပြခဲ့သည်။
![ဓာတ်ပုံ - Cobra Column](https://i0.wp.com/www.ludunwayoo.com/wp-content/uploads/2022/10/312845317_496487115874079_8085257210744218574_n.jpg?resize=880%2C799&ssl=1)
![ဓာတ်ပုံ - Cobra Column](https://i0.wp.com/www.ludunwayoo.com/wp-content/uploads/2022/10/306506185_496487379207386_2784206203520035400_n.jpg?resize=880%2C676&ssl=1)
ကော်ဘရာပါဝင်သည့် ပူးပေါင်းတပ်ဖွဲ့များနှင့် စစ်ကောင်စီတပ်တို့ မြ၀တီ – ဝေါ်လေလမ်း အနီးတဝိုက်၌ တိုက်ပွဲများ ဆက်တိုက်ဖြစ်ပွားလျက်ရှိရာ အောက်တိုဘာ ၂၂ရက်တိုက်ပွဲ၌ စစ်ကောင်စီတပ်က လေးဦး သေဆုံးခဲ့သည်။
အောက်တိုဘာ ၁၉ရက် တိုက်ပွဲတွင်လည်း ကော်ဘရာစစ်ကြောင်းမှ စနိုက်ပါစစ်သည်တော်၏ လက်ချက်ကြောင့် တပ်မ(၄၄)မှ ဗျူဟာမှူး ဗိုလ်မှူးကြီး ဝင်းမင်းဦး သေဆုံးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)