မန္တလေးတိုင်း၊ မိုးကုတ်မြို့နယ်အတွင်း လောင်းကစားဝိုင်းတွေနဲ့ မူးယစ်ဆေးဝါးရောင်းဝယ်ဖောက်ကားလုပ်ဆောင်နေသူတွေ အနေနဲ့ ဆက်လက်မလုပ်ကိုင်ကြဖို့ မိုးကုတ်မြို့နယ် ပြည်သူ့ကာကွယ်ရေးအဖွဲ့ (ပ.က.ဖ) သတိပေးလိုက်ပါတယ်။
အဲဒီလုပ်ငန်းတွေဟာ စစ်အုပ်စုကို လိုင်းကြေးပေးပြီးဆောင်ရွက်နေတာလို့လည်း မိုးကုတ် ပ.က.ဖ က ဆိုပါတယ်။
တစ်နိုင်ငံလုံး ဒုက္ခရောက်နေချိန်မှာအကျိုးစီးပွားကိုသာကြည့်ပြီး စစ်အုပ်စုနဲ့ပေါင်းကာ လူငယ် ၊လူရွယ်တွေပျက်စီးစေဖို့ ရည်ရွယ်လုပ်ဆောင်နေတဲ့လုပ်ရပ်တွေကို ရပ်တန့်ကြဖို့ကို မိုးကုတ် ပ.က.ဖ က မနေ့က အောက်တိုဘာလ ၂၆ ရက် ရက်စွဲနဲ့သတိပေးထုတ်ပြန်တာတွေ့ရပါတယ်။
မလိုက်နာရင် စစ်အုပ်စုရဲ့အကျိုးစီးပွားကိုလိုလားသူအဖြစ် သတ်မှတ်ရှင်းလင်းသွားမယ်လို့လည်း သတိပေးထားပါသေးတယ်။
ပြီးခဲ့တဲ့ လပိုင်းကတော့ မန္တလေးတိုင်းအတွင်းမှာ လောင်းကစားဝိုင်းတွေကို PDF က ဝင်ဖမ်းခဲ့ပြီး ထပ်မံ မလုပ်ဆောင်ကြဖို့သတိပေးတာတွေရှိခဲ့ပါတယ်။
