စစ်ကိုင်းတိုင်း၊ ခင်ဦးမြို့နယ်တွင် စစ်ဘေးရှောင်သောင်းချီရှိနေပြီး ရာသီဥတုအကူးအပြောင်း၌ ဖျားနာမှုများ ဖြစ်ပွားနေကြောင်း ဒေသတွင်းသတင်းရင်းမြစ်များက ပြောသည်။
စစ်ကောင်စီတပ်၏ စစ်ကြောင်းထိုးမီးရှို့ဖျက်ဆီးမှုများကြောင့် ခင်ဦးမြို့နယ်တွင် အမြဲတမ်း စစ်ဘေးရှောင် ကျေးရွာ (၁၅) ရွာခန့်ရှိပြီး လူဦးရေတစ်သောင်းခန့် ထွက်ပြေးတိမ်းရှောင်နေရကြောင်း၊ ရာသီဥတု အနည်းငယ်အေးလာ၍ စစ်ဘေးရှောင်အချို့ ဖျားနာကိုက်ခဲမှုဝေဒနာများ ခံစားနေရကြောင်း ခင်ဦးမြို့နယ် ဒေသခံကာကွယ်ရေး မဟာမိတ်အင်အားစု-KURDAF ပြန်ကြားရေးတာဝန်ခံက ပြောသည်။
![ပြီးခဲ့သည့် စက်တင်ဘာလ တတိယပတ်အတွင်းက ထွက်ပြေးတိမ်းရှောင်လာသည့် ခင်ဦးနယ်ဒေသခံအချို့အား တွေ့ရစဥ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/10/313271261_502482141941243_7266988476941903154_n.png?resize=720%2C332&ssl=1)
“ဆောင်းဝင်တော့မှာဖြစ်လို့ အနွေးထည် ၊ စောင်များ လိုအပ်ပါတယ်။ ရာသီအကူးအပြောင်းမှာ ဖျားနာတာမျိုးတွေ ရှိပါတယ်။”ဟု KURDAF ပြန်ကြားရေးတာဝန်ခံက ပြောသည်။
စစ်ဘေးရှောင်များအား KURDAF မဟာမိတ် အင်အားစု အဖွဲ့ဝင် KSO ဆေးတပ်သားများကလည်း နှစ်ပတ်တစ်ကြိမ် အခမဲ့ ဆေးကုသပေးနေသည်ဟု ၎င်းက ပြောသည်။
![ပြီးခဲ့သည့် စက်တင်ဘာလ တတိယပတ်အတွင်းက ထွက်ပြေးတိမ်းရှောင်လာသည့် ခင်ဦးနယ်ဒေသခံအချို့အား တွေ့ရစဥ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/10/313016757_502482208607903_7334783236176784777_n.png?resize=720%2C332&ssl=1)
![ပြီးခဲ့သည့် စက်တင်ဘာလ တတိယပတ်အတွင်းက ထွက်ပြေးတိမ်းရှောင်လာသည့် ခင်ဦးနယ်ဒေသခံအချို့အား တွေ့ရစဥ်။ ဓာတ်ပုံ-ခင်ဦးမြို့နယ် သတင်းမှန်ပြန်ကြားရေး](https://i0.wp.com/www.ludunwayoo.com/wp-content/uploads/2022/10/313441493_502482281941229_2476521938221597702_n.png?resize=720%2C332&ssl=1)
စစ်ကိုင်းတိုင်းတွင် စစ်တပ်အာဏာသိမ်းပြီးချိန်မှ အောက်တိုဘာ၂၄ ရက်အထိ နေရပ်စွန့်ခွာသူဦးရေ ၆ သိန်းကျော်(၆၁၂,၄၀၀)ရှိနေပြီး တစ်နိုင်ငံလုံး၌ အများဆုံးနေရပ်စွန့်ခွာမှုဖြစ်ကြောင်း ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံး (OCHA) က အောက်တိုဘာ ၂၇ ရက်တွင် ထုတ်ပြန်ထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)