မန္တလေးတိုင်း၊ စဉ့်ကူးမြို့နယ်၊ နွယ်ရုံရွာ ရဲစခန်းကို ဒီနေ့ နေ့လယ်ပိုင်းမှာ ဒေသခံ PDF တပ်ဖွဲ့တွေ ဝင်ရောက်တိုက်ခိုက်ပြီးနောက် စစ်အုပ်စုက ရဟတ်ယာဉ်နဲ့ လိုက်လံပစ်ခတ်နေတယ်လို့ ဒေသခံများကပြောပါတယ်။
မိုးကုတ် – မန္တလေးကားလမ်းပေါ်ရှိ နွယ်ရုံရွာ ရဲစခန်းကို ဒီနေ့နေ့လယ်ပိုင်း ၂ နာရီခန့်က ဝင်ရောက်တိုက်ခိုက်ခဲ့တာပါ။
ရဲစခန်းဝင်ရောက် စီးနင်းတိုက်ခိုက်ခံရပြီးနောက် ထိခိုက်ဒဏ်ရာရသွားတဲ့ ရဲအချို့ ရှိတယ်လို့ ဒေသခံများကပြောပါတယ်။
” အခုညနေ၄နာရီခွဲထိကို စစ်တပ်က ရဟတ်ယာဉ်၂စီးနဲ့ပစ်နေတာ သုံးကြိမ်ရှိနေပြီ၊ အသံကိုနီးနီးကပ်ကပ်ကြားနေတယ်”လို့ နွယ်ရုံရဲစခန်းအနီးနေထိုင်သူတစ်ဦးကပြောပါတယ်။
စစ်အုပ်စုဟာ ရဲစခန်းအတိုက်ခံလို့ ရဟတ်ယာဉ် ၂ စီးနဲ့ နွယ်ရုံရဲစခန်းအရှေ့ဘက် တောင်ကြောနေရာတွေကို ပစ်ခတ်နေတယ်လို့ ဆိုပါတယ်။
