Connect with us
close

Hi, what are you looking for?

LuduNwayOo

သတင်း

ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း

(၇၇) ကြိမ်မြောက် ကုလသမဂ္ဂအထွေထွေညီလာခံ၊ လူ့အခွင့်အရေးကောင်စီ၏ အစီရင်ခံစာနှင့်စပ်လျဉ်းသည့် မျက်နှာစုံညီအစည်းအဝေး၌ သံအမတ်ကြီးက မိန့်ခွန်းပြောကြားခဲ့ရာ ထည့်သွင်းတိုက်တွန်းခြင်းဖြစ်သည်။

ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း
ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း

▪️စစ်တပ်တာဝန်ရှိသူများကို ICCသို့ လွှဲပြောင်းရန် ထပ်လောင်းတောင်းဆို

ကုလသမဂ္ဂ လူ့အခွင့်အရေးကောင်စီ အစည်းအဝေးများ၌ မြန်မာပြည်သူများကို ကိုယ်စားပြုသည့် ကိုယ်စားလှယ်တစ်ဦးကို ခွင့်ပြုရန် မြန်မာသံအမတ်ကြီး ဦးကျော်မိုးထွန်းက ယမန်နေ့တွင် တိုက်တွန်းသည်။

(၇၇) ကြိမ်မြောက် ကုလသမဂ္ဂအထွေထွေညီလာခံ၊ လူ့အခွင့်အရေးကောင်စီ၏ အစီရင်ခံစာနှင့်စပ်လျဉ်းသည့် မျက်နှာစုံညီအစည်းအဝေး၌ သံအမတ်ကြီးက မိန့်ခွန်းပြောကြားခဲ့ရာ ထည့်သွင်းတိုက်တွန်းခြင်းဖြစ်သည်။

လက်ရှိတွင် ကုလသမဂ္ဂမျက်နှာစာများ၌ စစ်ကောင်စီ ၏ ကိုယ်စားလှယ်များကို လက်ခံအသိအမှတ်ပြုခြင်းမရှိသလို အမျိုးသားညီညွတ်ရေးအစိုးရ (NUG)၏ ကိုယ်စားလှယ်များကိုလည်း အသိအမှတ်ပြုခြင်းမရှိသေးပေ။

ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း
ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း

လူ့အခွင့်အရေးကောင်စီသည် မြန်မာပြည်သူများ၏ အသက်များကို ကာကွယ်ရန် မြန်မာစစ်တပ်မှ ကျူးလွန်လျက်ရှိသည့် စစ်ရာဇဝတ်မှုနှင့် လူသားမျိုးနွယ်စုအပေါ် ကျူးလွန်သော ပြစ်မှုများနှင့်စပ်လျဉ်း၍ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား၏ သက်သေအထောက်အထားများကို ကုလသမဂ္ဂလုံခြုံရေးကောင်စီသို့ တင်သွင်းခြင်းအပါအဝင် ဖြစ်နိုင်သည့် နည်းလမ်းပေါင်းစုံဖြင့် ကြိုးပမ်းဆောင်ရွက်ရန်လည်း သံအမတ်ကြီးက တိုက်တွန်းခဲ့သည်။

ထို့အပြင် မြန်မာစစ်တပ်သည် အခြေခံလူ့အခွင့်အရေးအားလုံးကို ချိုးဖောက်လျက်ရှိပြီး နေ့စဉ် ပြည်သူများ၏ လုံခြုံရေးနှင့်အသက်ရှင်နေထိုင်ခွင့်၊ နှိပ်စက်ခံရမှုမှ တားမြစ်ခြင်း၊ မျှတသည့် တရားရင်ဆိုင်ခွင့်နှင့် လွတ်လပ်စွာဆန္ဒထုတ်ဖော်ခွင့်တို့ကို ဖျက်ဆီးချိုးဖောက်လျက်ရှိကြောင်း ညီလာခံသို့ အစီရင်ခံသည်။

ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း
ကုလလူ့အခွင့်အရေးကောင်စီတွင် မြန်မာပြည်သူများကိုယ်စားပြုသော ကိုယ်စားလှယ်တစ်ဦးကို ခွင့်ပြုလက်ခံရန် မြန်မာသံအမတ်ကြီးတိုက်တွန်း

တရားမဝင်စစ်တပ်အာဏာသိမ်းမှု (၂၁)လတာ ကာလအတွင်း စစ်တပ်မှ အကြမ်းဖက်လုပ်ရပ်မျိုးစုံကို ကျူးလွန်လျက်ရှိရာ ဆယ်စုနှစ် သုံးခုအတွင်း ပထမဆုံးအကြိမ် နိုင်ငံရေးအကျဉ်းသားများကို သေဒဏ်ပေးခြင်းနှင့် ထင်တိုင်းကြဲကာ ပြည်သူများကို ဖမ်းဆီးနေသည့်အပြင် မိသားစုဝင်များကို ဓားစာခံအဖြစ် ပြန်ပေးဆွဲနေသည့် အခြေအနေများကိုလည်း သံအမတ်ကြီးက တင်ပြသည်။

ဆက်လက်ပြီး စစ်တပ်၏ အစုံလိုက်အပြုံလိုက် သတ်ဖြတ်မှု၊ ပြည်သူများအား လေကြောင်းမှ တိုက်ခိုက်မှုနှင့် မီးရှို့ဖျက်စီးမှုအစရှိသည့် အကြမ်းဖက်လုပ်ရပ်များကို ညီလာခံကို အသိပေးပြောကြားသည်။

ယင်းသို့ မြန်မာစစ်တပ်၏ ဆိုးဝါးသည့် အကြမ်းဖက် လုပ်ရပ်များနှင့်စပ်လျဉ်း၍ ထိရောက်သောအရေးယူ ဆောင်ရွက်မှုများ ပြုလုပ်ရန် ကုလသမဂ္ဂလုံခြုံရေးကောင်စီအနေဖြင့် ယင်းသက်သေအထောက်အထားများကို အသုံးပြု၍ အပြစ်ကျူးလွန်သူများကို နိုင်ငံတကာရာဇဝတ်ခုံရုံးသို့ လွှဲပြောင်းရန် သံအမတ်ကြီးက ထပ်လောင်းဆိုသည်။

You May Also Like

သတင်း

ပထမအချက်မှာ အပြည်မဲ့ပြည်သူများကို စစ်တပ်၏ ရက်စက်ကြမ်းကြုတ်သော လုပ်ရပ်များထံမှ ကာကွယ်ပေးရန် ဖြစ်ပြီး ယင်းတွင် စစ်တပ်၏ ဘဏ္ဍာငွေနှင့် သေစေနိုင်သော လက်နက်များကို ထိန်းချုပ်ရန်ဖြစ်သည်။

သတင်း

မြန်မာစစ်တပ်သည် လက်နက်နှင့် ဆက်စပ်နည်းပညာများ ဆက်လက်ရရှိနေမည်ဆိုပါက မြန်မာပြည်သူများနှင့် ကလေးများအပေါ် ရက်စက် သော လူမဆန်သော တိုက်ခိုက်သတ်ဖြတ်မှုများကို ကျူးလွန်နေမည်မှာ မလွဲဧကန်ဖြစ်ကြောင်း သံအမတ်ကြီးက ပြောသည်။

သတင်း

စစ်တပ်သည် ၎င်းတို့စတင်ခဲ့သည့် ပြဿနာရပ်များအား အဆုံးသတ်ရန် ဆောင်ရွက်နိုင်ခြင်း မရှိကြောင်းသံအမတ်ကြီးက ဆက်ပြောသည်။

သတင်း

မြန်မာနိုင်ငံသည် နျူကလီးယားလက်နက်ဖျက်သိမ်းရေးနှင့် မပြန့်ပွားရေး၊ နျူကလီးယား လက်နက်ကင်းစင်သော ကမ္ဘာကြီးဖြစ်ပေါ်လာစေရေးအတွက် အပြည့်အဝဆက်လက်ပူးပေါင်း ဆောင်ရွက်သွားမည်ဖြစ်ကြောင်းဆက်ပြောသည်။