ထီးလင်းမြို့နယ်တွင် အင်အား ၁၀၀ခန့်ဖြင့် စစ်ကြောင်းထိုးလာသော (ခလရ-၅၀စစ်ကောင်စီတပ်အား အနီးကပ်တိုက် ခိုက်ရာ တပ်ရင်းမှူးအပါ အဝင် ခြောက်ဦးထက်မနည်းသေဆုံးကြောင်း ယောကာကွယ်ရေးတပ် -YDFထီးလင်းက ယနေ့(နိုဝင်ဘာ ၃ ရက်)တွင် ထုတ်ပြန်သည်။
ထို့ကြောင့်စစ်ကြောင်းထိုးရန်လာသည့်ပါးမျဥ်းကျေးရွာမှာပင် ညမအိပ်နိုင်ပဲ ထီးလင်းမြို့သို့ ပြန်လှည့်သွားရသည်ဟု သိရသည်။
“တိုက်ပွဲကကျားခဲရွာကိုနိုဝင်ဘာ ၁ရက်မနက်၆ နာရီလောက်မီးရှို့ပြီးတော့ အနောက် မြောက်ဘက်က ပါးမျဥ်းရွာဖက်ကိုစစ်ကြောင်း ၃ ကြောင်းခွဲပြီးစခတပ်က စစ်ကြောင်းထိုးလာတာ။စခတွေရဲ့ ရှေ့ပြေးတပ်ကို YDF ထီးလင်းက ဗျူဟာမှူးသခင်ဇော်အပါ ရဲဘော် ၁၈ယောက်အထူးကွန်မန်ဒိုအဖွဲ့က မီတာ ၅၀လောက်ပဲကွာတဲ့ အနေအထားနဲ့ အပိုင်တိုက်နိုင်ခဲ့တာ”ဟု YDF ထီးလင်း တာဝန်ရှိသူက လူထုနွေဦးသို့ ပြောသည်။
အဆိုပါ တိုက်ခိုက်မှုကြောင့် စစ်ကောင်စီတပ် သားကိုးဦးမှာ ကျည်ထိမှန်၍ နေရာတွင်ပင်လဲကျခဲ့ရကြောင်း အသိပေးသည်။
“အဲဒီထဲမှာ စခစစ်ကြောင်းမှူးပါတော့ သူတို့ ည တောင်မအိပ်နိုင်ဘဲ ထီးလင်းမြို့ပေါ်ကို ညနေပိုင်း ချက်ချင်းတက်သွားခဲ့ရတယ်။ရွာထဲနယ်မြေဝင်ရှင်းတော့သေသွားတဲ့စခပြာပုံတွေနဲ့ ရွာရဲ့အနောက်ဘက်မှာစခအလောင်းတစ်လောင်းမြေမြှုပ်ထားတာ တွေ့ရတယ်”ဟုအထက်ပါတာဝန်ရှိသူကဆက်ပြောသည်။
ထီးလင်းမြို့ပေါ်ရောက်ရှိစဥ် ဒဏ်ရာပြင်းထန်၍ သေဆုံးသွားသည်ဟု YDF က သတ်မှတ်ထားသော စစ်ကြောင်းမှူးဆိုသူကို နိုဝင်ဘာ ၂ ရက်ကထီးလင်းမြို့ ရွှေထီးခန်းမဝင်းထဲ၌ပင့် သဂြိုလ်ခဲ့ကြောင်းလည်း ဒေသခံသတင်းရင်းမြစ်များကဆိုသည်။
လက်ရှိတွင် ထီးလင်းမြို့နယ်ပါဝင်သည့် ယောဒေသအတွင်း စစ်ကောင်စီတပ်၏တပ်မ(၅၅) ၊(၁၁)နှင့်(၁၀၁)တို့မှတပ်ရင်းသုံးခုထက်မနည်း စစ်ကြောင်းထိုးနေ၍ ဆော-ကျောက်ထု လမ်းပိုင်းကို အသုံးမပြုသေးရန် ကာကွယ်ရေးတပ်များက မေတ္တာရပ်ခံထားသည်။
