စစ်ကိုင်းတိုင်း၊ တန့်ဆည်မြို့နယ်တွင် စစ်ကောင်စီတပ်နှင့် ဒေသကာကွယ်ရေးအဖွဲ့များ တိုက်ပွဲတွင် ပြည်သူ့ရဲဘော်တစ်ဦးကျဆုံးခဲ့ကြောင်း ရွှေဘိုခရိုင် တပ်ရင်း (၂၅) TPC -Taze People’s Comrades အဖွဲ့က သတင်းထုတ်ပြန်သည်။
ယမန်နေ့ (နိုဝင်ဘာ ၄ ရက်) နံနက် ၇နာရီ ၂၀မိနစ် ခန့်က တန့်ဆည်မြို့နယ်၊ သာဂရကျေးရွာအနီး၌ စစ်ကောင်စီတပ်၊ ပျူစောထီးအဖွဲ့များနှင့် ရွှေဘိုခရိုင်တပ်ရင်း (၂၅) TPC အဖွဲ့တို့ ထိတွေ့တိုက်ပွဲ ဖြစ်ပွားခဲ့သည်။
အပြန်အလှန်ပစ်ခတ်မှု မိနစ် ၂၀ခန့် ကြာမြင့်ခဲ့ပြီး TPCတပ်ရင်းမှ အသက် (၁၉)နှစ်အရွယ်ရဲဘော်ချစ်တိုးအောင်သည် စစ်ကောင်စီတပ်အား ခုခံတိုက်ခိုက်ရင်း ကျဆုံးခဲ့ရကြောင်း ထုတ်ပြန်ချက်တွင် အသိပေးသည်။
![ကျဆုံးရဲဘော်၏ နာရေးအား တွေ့ရစဥ်၊ ဓာတ်ပုံ-TPC -Taze People's Comrades](https://i0.wp.com/www.ludunwayoo.com/wp-content/uploads/2022/11/313939437_506000278256096_6619604024443499863_n.jpg?resize=720%2C532&ssl=1)
ရဲဘော်သည်အသက်ကို ပထာနမထားဘဲရဲ့ဝံ့သတ္တိစွမ်းရည်အပြည့်ဖြင့် ပြောက်မြောက်စွာ တော်လှန်တိုက်ခိုက်ခဲ့သည့်အတွက်များစွာ ဂုဏ်ယူလေးစားပြီး အလေးပြုပါကြောင်း TPC -Taze People’s Comrades အဖွဲ့က ထုတ်ပြန်သည်။
ကျန်ရှိနေကြသည့် ကျွန်ုပ်တို့ TPCတပ်ရင်း(၂၅) ရှိ ရဲဘော်များက စစ်အာဏာရှင် ပြုတ်မကျမချင်း ဆက်လက်ထမ်းဆောင်သွားပါမည်ဟု TPC -Taze People’s Comrades အဖွဲ့က သစွာအဓိဌာန်ပြုသည်။
ထုတ်ပြန်ချက်နှင့်ပတ်သက်၍ TPC -Taze People’s Comrades အဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
ကျဆုံးရဲဘော်၏ နာရေးအား တွေ့ရစဥ်၊ ဓာတ်ပုံ-TPC -Taze People’s Comrades
![](https://i1.wp.com/ludunwayoo.com/wp-content/uploads/2021/08/banner-logo1-50px.png)