မိုးဗြဲမြို့တွင် မူးယစ်ဆေးပြားရောင်းဝယ်ဖြန့်ဖြူးသူထံမှ ဆေးပြားအလုံးရေ တစ်သောင်းကျော် (၁၁,၂၀၀) ဖမ်းဆီးရမိကြောင်း MOBYE PDF တပ်ရင်း (၂)က ယနေ့(နိုဝင်ဘာ ၇ ရက်) ထုတ်ပြန် သည်။
မိုးဗြဲမြို့ ဒေသတွင်း တစ်နေရာတွင် အရပ်သား သတင်းပေးမှုဖြင့် ကျေးရွာလူကြီးတို့နှင့်ပူးပေါင်းကာ MOBYE တပ်ရင်း (၂)၊ ကရင်နီ အမျိုးသား များကာကွယ်ရေးတပ်(KNDF) B-03 ပူးပေါင်းကာ ယခုလ ၃ ရက်က မူးယစ်ဆေးပြား (WY) ရောင်း၀ယ် ဖြန့်ဖြူးသူကို သွားရောက်ဖမ်းဆီးခဲ့ ကြောင်းဖော်ပြသည်။
သိမ်းဆည်းရမိသည့် မူးယစ်ဆေးပြားများကို ဖမ်းမိသည့်နေရာ၌ပင် မီးရှို့ဖျက်စီးခဲ့သည်ဟု ဆိုသည်။
ရောင်း၀ယ်ဖြန့်ဖြူးသူကို အရေးယူဖမ်းဆီးထိန်းသိမ်းမှုပြုလုပ်ထားပြီး ၎င်းထံ တင်သွင်းသူများကို ဆက်လက်စုံစမ်း ဖော်ထုတ်နိုင်ရန်ပြုလုပ်နေကြောင်း အသိပေးသည်။
မိုးဗြဲ နှင့်ဖယ်ခုံ မြို့များအပါအဝင် ကရင်နီ (ကယား) ပြည်နယ်ဒေသတွင်းစစ်အာဏာရှင်ကို တော်လှန် သည်သာမက လူကိုအညွှန့်တုံးစေသော မူးယစ်ဆေးဝါးများတိုက်ဖျက်နိုင်ရန် ကရင်နီပူးပေါင်း တပ်များက ဖမ်းဆီးအရေးယူလျှက်ရှိသည်။
