ဖယ်ခုံမြို့အခြေစိုက် စစ်ကောင်စီတပ်က လက် နက်ကြီးဖြင့် ရမ်းသမ်းပစ်ခတ်မှုများရှိနေ၍ ပြည် သူများအနေဖြင့် လုံခြုံစိတ်ချရသည့် နေရာများ တွင် နေထိုင်ကြရန် မိုးဗြဲ PDF တပ်ရင်း(၂)က သတိပေးထုတ်ပြန်သည်။
ယနေ့(နိုဝင်ဘာ ၉ ရက်)ည ၈ နာရီခွဲခန့်ကစ၍ဖယ်ခုံအခြေစိုက် ခမရ (၃၃၆)မှ လက်နက်ကြီး အသုံးပြုပစ်ခတ်နေခြင်းဟု ဆိုသည်။
ထို့ကြောင့် ပြည်သူများအနေဖြင့် သတိဝိရိယရှိရှိနေထိုင်ကြရန် နှင့် အကြောက်မလွန်ကြရန် မိုးဗြဲ PDF တပ်ရင်း (၂)က အသိပေးသည်။
“ဒီနေ့ည က ဒီးမော့ဆိုဘက်မှာ တိုက်ပွဲပြင်းထန် နေတယ်။စကစက မြေပြင် လက်နက်ကြီးပစ်ကူကို အဆမတန်သုံးနေရတယ်။အသေးစိတ်အခြေ အနေကိုတော့ ပြောပြလို့မရနိုင်သေးဘူး”ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။
ထို့အပြင် လက်ရှိပြည်သူ့ကာကွယ်ရေးတပ်များ ၏ သတိ ပေးထုတ်ပြန်ချက်များကို အမြဲစောင့်ကြည့်ပြီး လိုက်နာပေးရန်လည်း တိုက်တွန်းသည်။
အကြမ်းဖက်စစ်ကောင်စီတပ်က ဒီးမော့ဆို-ဖရူဆို မြို့နယ်ကြားရှိ ကျေးရွာများသို့စစ်ကြောင်းထိုးလှုပ်ရှားလျက်ရှိနေသည်။
ထို့အပြင် လွိုင်ကော်မြို့နယ် ရှမ်း-ကယားပြည်နယ် စပ်တွင်လည်း တိုက်ပွဲများပြင်းထန်နေသည်ဟု ကရင်နီအမျိုးသားများကာကွယ်ရေးတပ် KNDF က ယခုလဆန်းပိုင်းက ထုတ်ပြန်ထားသည်။
