မန္တလေးမြို့ ၊ချမ်းမြသာစည်မြို့နယ်၊ မြရည်နန္ဒာအိမ်ရာဝင်းမှာ မနေ့က ညပိုင်းက စစ်အုပ်စု ဧည့်စာရင်းဝင်စစ်ကာ လူ ၃၀ ဦးခန့် ဖမ်းဆီးသွားတယ်လို့အဲဒီအိမ်ရာမှာနေထိုင်သူတွေထံက စုံစမ်းသိရပါတယ်။
မနေ့ကညပိုင်း ၁၀ နာရီဝန်းကျင်မှာ အိမ်ရာ ဝင်ထွက်ပေါက်တွေကို ပိတ်လိုက်ပြီး အချုပ်ကားပါ ခေါ်လာကာ အင်အားအများအပြားနဲ့တိုက်ခန်းတွေကို စစ်ဆေးခဲ့တာပါ။
” ဧည့်စာရင်းဆိုပြီး တိုက်ခန်းတံတားကို ခြေထောက်တွေနဲ့ကန် သေနတ်တွေနဲ့ထုပြီးဝင်လာတာ” လို့ အိမ်ရာမှာ နေထိုင်သူတစ်ဦးကပြောပါတယ်။
ဖုန်းတွေကိုလည်း စစ်ဆေးတာတွေရှိတယ်လို့သိရပါတယ်။
ဒါအပြင် ဧည့်စာရင်းတိုင်တာမရှိဘူးဆိုပြီး လုံခြုံရေးကုမ္ပဏီ အမျိုးသားဝန်ထမ်း ၂၀ ဦးနဲ့ အိမ်ရာဝင်းထဲ နေထိုင်သူ ၁၀ ခန့်ကို ဖမ်းခေါ်သွားတယ်လို့ သိရပါတယ်။
ဖမ်းခေါ်ခံရသူတွေထဲ အမျိုးသမီးတွေပါဝင်တာမရှိဘူးလို့ကနဦးစုံစမ်းသိရပါတယ်။
မြရည်နန္ဒာအိမ်ရာ ဝင်းကို စစ်အုပ်စုဟာ ည ၁၂ ကျော်တဲ့အထိ စစ်ဆေးမှုတွေလုပ်ခဲ့ပါတယ်။
