စစ်ကိုင်းတိုင်း၊ ချောင်းဦးမြို့နယ်တွင် ကင်းလှည့် PDFများနှင့် ကံကြီးကုန်းကျေးရွာပျူစောထီးများ ထိပ်တိုက်တွေ့ ပစ်ခတ်ခဲ့ကြရာ ပျူ သုံးဦးသေဆုံးကြောင်း Chaung U Local Defence Force (CLDF)၏ ပြန်ကြားရေးတာဝန်ခံက ပြောသည်။
ယနေ့ (နိုဝင်ဘာ၁၂ ရက်)နံနက် ၁၁ နာရီခွဲခန့်က မဟာမိတ်ပူးပေါင်းအဖွဲ့များ၏ ရဲဘော်များက ကင်းလှည့်နေစဉ် ကံကြီးကုန်းကျေးရွာမှ ထွက်ခွာလာသော ပျူစောထီးများနှင့် ထိတွေ့တိုက်ပွဲဖြစ် ပွားခဲ့ကြောင်း Chaung U Local Defence Force (CLDF)၏ ပြန်ကြားရေးတာဝန်ခံက ပြောသည်။
နှစ်ဖက်အပြန်အလှန်ပစ်ခတ်မှု ဖြစ်ပွားခဲ့ပြီး ပျူစောထီး သုံးဦး သေဆုံးကြောင်း၊ ရဲဘော်များအထိအခိုက်မရှိ ဆုတ်ခွာနိုင်ခဲ့ကြောင်း CLDF တာဝန်ခံက ပြောသည်။
![(ဇွန်လအတွင်းက ကံကြီးကုန်းရွာပျူများအား တိုက်ခိုက်ပြီး ထမင်းစားနေသော CRAရဲဘော်များ၊ ဓာတ်ပုံ-CRA)](https://i0.wp.com/www.ludunwayoo.com/wp-content/uploads/2022/11/signal-2022-11-12-204136_002.jpeg?resize=720%2C960&ssl=1)
ကံကြီးကုန်းကျေးရွာမှ ပျူစောထီးများနှင့် သူပစ် ကိုယ်ပစ် ရုပ်ရှင်ဆန်ဆန်ထိတွေ့တိုက်ပွဲဖြစ်ပွားခဲ့ပြီး အသက်ပေးခဲ့ရသော ပြည်သူများ၊ PDFများအတွက် လက်တုန့်ပြန်နိုင်ခဲ့ကြောင်း ချောင်းဦးမြို့နယ် တော်လှန်ရေးတပ် CRA တာဝန်ခံက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
အဆိုပါစစ်ဆင်ရေးအား Chaung U Local Defence Force (CLDF)၊ ချောင်းဦးမြို့နယ် ပ.လ.ဖ၊ မုံရွာခရိုင် အမှတ် (၁၂) တပ်ရင်း နှင့် Chaung U Revolution Army (CRA) အဖွဲ့များ ပူးပေါင်းဆောင်ရွက်ခဲ့ခြင်းဖြစ်သည်။
စစ်ကောင်စီလက်အောက်ခံ ကံကြီးကုန်းကျေးရွာသည် ပျူစောထီးအင်အားကောင်းရာရွာတစ်ရွာဖြစ်ပြီး ဒေသကာကွယ်ရေးအဖွဲ့များနှင့် တိုက်ပွဲမကြာခဏ ဖြစ်ပွားလေ့ရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)