စစ်ကောင်စီက တပ်မသုံးခုပူးပေါင်းပြီး စစ်ကြောင်းထိုးနေ၍ ကျောက်ထု-ပခုက္ကူလမ်းပိုင်းကို အသုံးမပြုရန် ကျောက်ထု PDFက သတိပေး ထုတ်ပြန်သည်။
ယနေ့(နိုဝင်ဘာ ၁၅ ရက်)ကစ၍ အဆိုပါ လမ်းပိုင်းကို အသုံးပြုခြင်းခေတ္တရပ်နားပေးထားရန်နှင့် သေရေး၊ ရှင်ရေးကိစ္စများအတွက် သွားလာရန်လိုအပ်ပါက ဆက်သွယ်ရန်လည်း အထူးသတိပေးထားသည်။
“အခုထိုးနေတဲ့စစ်ကြောင်းက တပ်မ (၅၅) ၊ (၁၁) နဲ့ (၁၀၁)တွေအပြင် ပျူတွေပါ ပါတယ်။အင်အားက ၁၀၀လောက်ရှိမယ်။အခု ပဆုပ်ကျေးရွာကို မီးတင်ရှို့နေတယ်လို့ သတင်းရတယ်”ဟု ကျောက်ထု PDF တာဝန်ရှိသူက လူထုနွေဦးသို့ ပြောသည်။
ထို့အပြင် ကျောက်ထုအမြောက်တပ်မှလည်း လက်နက်ကြီးဖြင့် ရမ်းသမ်းပစ်ခတ်မှုများရှိနေ သည်ဟု အသိပေးသည်။
ထို့ကြောင့် ပြည်သူများ အားလုံးအထူးဂရုစိုက်၍ လက်နက်ကြီးဒဏ်ခံနိုင်မည့် နေရာများတွင်နေ ထိုင်ပေးကြရန်တိုက်တွန်းသည်။
ယခုလ ၈ ရက်ကစ၍ စစ်ကြောင်းထိုးလာသည့် စစ်ကောင်စီတပ်မှာ ပေါက်တော၊လက်ပန်းနှင့် ပဆုပ် ကျေးရွာများသို့ ဝင်ရောက် ဖျက်ဆီးခဲ့ပြီး ဖမ်းဆီးခံရသည့် ပြည်သူအချို့လည်းရှိသည်။
