ဒီနေ့ မှာကျရောက်တဲ့အမျိုးသားနေ့ မှာ စစ်ကောင်စီက အကျဉ်းသား ၅၇၀၀ ကျော်ကိုပြန်လွှတ်ပေးနေတယ်လို့ကြေညာထားပါတယ်။
ကနဦးစုံစမ်းသိရတာကတော့ မတရားဖမ်းဆီးခံရတဲ့နိုင်ကျဉ်းတွေပါဝင်တာနည်းပါးတယ်လို့သိရပေမယ့် ထောင်အပြင်ကို ကားတွေထွက်လာတာတော့မရှိသေးပါဘူး။
အင်းစိန်ထောင်ရှေ့မှာလည်း အာဏာသိမ်းပြီးအစောပိုင်းက လွှတ်ပေးတဲ့လွတ်ငြိမ်းတွေကလို လာရောက်စောင့်ဆိုင်းနေကြသူတွေနည်းပါးတာတွေ့ရပါတယ်။
ဒါ့အပြင် ထောင်ရှေ့ဝင်ပေါက်ကို ဓာတ်ပုံရိုက်သူတစ်ဦးကို စစ်ကောင်စီတပ်သားတွေ ထွက်လာပြီးဖမ်းသွားတဲ့သတင်းတွေလည်းထွက်လာနေပါတယ်။
ဒီနေ့မနက်ပိုင်း ၁၁နာရီကျော်မှာတော့ ထောင်ထဲကို မီနီဘတ်စ်ကား၂စီးဝင်သွားပါတယ်။
လက်ရှိအချိန်ထိတော့ အင်းစိန်ထောင်ကနေလွတ်မြောက်လာသူတွေကိုမတွေ့ရသေးပါဘူး။
