စခန်းရှိ လေဖြတ်နေသည့် ရဲဒုတပ်ကြပ်ကို ကျပ်တစ်သောင်းပေး ချန်ထားခဲ့
မကွေးတိုင်း၊ မြိုင်မြို့နယ်၊ ဗဟင်းရဲစခန်းအားစစ်ကောင်စီတပ်က မီးရှို့ဖျက်ဆီးပြီးနောက် ထွက်ခွာသွားပြီး အဆိုပါစခန်းရှိ လေဖြတ်နေသည့် ရဲဒုတပ်ကြပ်တစ်ဦးကို ကျပ်တစ်သောင်းဖြင့် ချန်ထားခဲ့ကြောင်း ဒေသတွင်းသတင်းရင်းမြစ်များက ပြောသည်။
ယမန်နေ့ (နိုဝင်ဘာ ၂၁ ရက်)က စစ်ကောင်စီတပ် သားများသည် တိုက်ပွဲဖြစ်ပွားခြင်းမရှိဘဲ ဗဟင်းကျေးရွာရှိ ရဲစခန်းနှင့် ပြည်သူ့နေအိမ် (၅၂)လုံးအား မီးရှို့ဖျက်ဆီးသွားပြီး ယနေ့နံနက် ၈ နာရီခန့်တွင် စခန်းမှ ထွက်ခွာသွားကြောင်း နွေဦးတော်လှန်ရေး-မြိုင် အဖွဲ့ဝင်တစ်ဦးက ပြောသည်။
အဆိုပါ ဗဟင်းရဲစခန်းရှိ လေဖြတ်နေသော ရဲဒုတပ်ကြပ် ဝင်းကိုကိုအောင်ဆိုသူကို စစ်ကောင်စီတပ် က ကျပ်တစ်သောင်းပေးအပ်ကာ စခန်း၌ ချန်ထားရစ်ခဲ့ပြီး ၎င်းအား ဒေသတွင်း PDFများက စောင့်ရှောက်ထားကြောင်း ဒေသခံများက ပြောသည်။
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/315650132_518284400361017_5931608689740419199_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/315907581_518284453694345_7586501232244486027_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/315782714_518284637027660_1249775427206241533_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/316549253_518284440361013_7778892691778276005_n.jpg?resize=720%2C539&ssl=1)
“သူကလေဖြတ်နေတာ။ ဗဟင်းစခန်းရဲ့တောင်ဘက် မန်ကျည်းကန်ရွာမှာ တုတ်ထောက်သွားနေတာ မေးရင်းနဲ့မိတာ။ မိလာတော့ သူ့ကိုတော့ စခန်းမှူးက ပိုက်ဆံတစ်သောင်းထားပေးခဲ့တယ်တဲ့။ ဆေးပင်စင်ရအောင်လုပ်ပေးမယ် အခုတော့ မင်းလွတ် ရာသာသွားတော့ဆိုပြီး ထားခဲ့တော့ ကျွန်တော်တို့နဲ့မိတာ။ ကျွန်တော်တို့က သူ့ရဲ့အချက်အလက်တွေ စစ်ဆေးပြီးခါမှ ကျွန်တော်တို့အထက်က ခရိုင်အဖွဲ့တို့ တိုင်းအဖွဲ့တို့ဆီကို စစ်သုံ့ပန်းအဖြစ်နဲ့ အပ်လိုက်မှာပါ။”ဟု မြိုင်(ပကဖ) အဖွဲ့ခေါင်းဆောင်ကိုလက်ယျာက ပြောသည်။
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/316198951_518284523694338_8711891934017910139_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/316083933_518284597027664_4866574483889696330_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/316558339_518284530361004_2077302617427241891_n.jpg?resize=720%2C539&ssl=1)
![ချန်ထားခံခဲ့ရသော လေဖြတ်လူနာ ရဲဒုတပ်ကြပ်၊ ဗဟင်းကျေးရွာနှင့်ရဲစခန်းအား မီးရှို့ဖျက်ဆီးသွားစဥ်၊ ဓာတ်ပုံ- နွေဦးတော်လှန်ရေး-မြိုင်](https://i0.wp.com/www.ludunwayoo.com/wp-content/uploads/2022/11/315323164_518284587027665_7088864794305013136_n.jpg?resize=720%2C539&ssl=1)
စစ်ကောင်စီတပ်များသည် ယမန်နေ့နံနက်ပိုင်းကတည်းက ဗဟင်းရဲစခန်းနှင့် ကျေးရွာအတွင်းရှိ ပြည်သူ့နေအိမ်များကို မီးရှို့ဖျက်ဆီးခဲ့ခြင်းဖြစ်ပြီး ညပိုင်းအထိ လောင်ကျွမ်းခဲ့သည်။
စစ်ကောင်စီတပ်များသည် ယနေ့မွန်းလွဲပိုင်းတွင် ဝက်ဖိုးကျေးရွာနှင့် မှန်ရင်းကျေးရွာကြားရှိ (ဒေသအခေါ်) ဥသျှစ်ခင်တွင်ရောက်ရှိနေကြောင်း ဒေသခံများက ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)