စစ်ကိုင်းတိုင်း၊ ဝက်လက်မြို့နယ်ရှိ မူးကြီးကျေးရွာအား စစ်ကောင်စီတပ်၏ မီးရှို့ဖျက်ဆီးမှုကြောင့် နေအိမ်၁၅၀ ခန့် မီးလောင်ပျက်စီးခဲ့ပြီး အဘွားအိုတစ်ဦး မီးလောင်သေဆုံးခဲ့ကြောင်း ဒေသတွင်းသတင်းရင်းမြစ်များက ပြောသည်။
![မူးကြီးကျေးရွာ လူနေအိမ်များ မီးလောင်ကျွမ်းပြီးနောက် တွေ့ရစဥ်၊ဓာတ်ပုံ-GZ Special Task Force - Wetlet](https://i0.wp.com/www.ludunwayoo.com/wp-content/uploads/2022/11/316171225_520544693468321_7616572015336005314_n.png?resize=720%2C405&ssl=1)
ယမန်နေ့(နိုဝင်ဘာ၂၄ ရက်) မွန်းလွဲ ၁နာရီဝန်းကျင်က ဝက်လက်မြို့နယ်၊ မူးကြီးရွာကို စစ်ကောင်စီတပ်က ဝင်ရောက်ဖျက်ဆီးမီးရှို့ခဲ့ကြောင်း၊ အဆိုပါစစ်ကောင်စီတပ်သည် မီးရှို့ဖျက်ဆီးပြီးနောက် ညနေ ၅နာရီခန့်တွင် ဝက်လက်မြို့ပေါ်သို့ ပြန်သွားခဲ့ကြောင်း ဒေသခံများက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
မူးကြီးကျေးရွာသည် နေအိမ် ၄၀၀ ဝန်းကျင်ရှိပြီး ခန့်မှန်းခြေ နေအိမ် ၁၅၀ခန့်မီးရှို့ဖျက်ဆီးခံခဲ့ရကြောင်း၊ အဘွားအိုတစ်ဦးမှာ ထွက်မပြေးနိုင်၍ မီးလောင်သေဆုံးခဲ့ရကြောင်း ဒေသခံများက ပြောသည်။
![မူးကြီးကျေးရွာ လူနေအိမ်များ မီးလောင်ကျွမ်းပြီးနောက် တွေ့ရစဥ်၊ဓာတ်ပုံ-GZ Special Task Force - Wetlet](https://i0.wp.com/www.ludunwayoo.com/wp-content/uploads/2022/11/316670845_520544816801642_6302371590389372555_n.png?resize=720%2C405&ssl=1)
“အိမ်ကြီးအိမ်ကောင်းတွေရော တော်တော်များပါတယ်။ အဖွားအိုတစ်ယောက် မီးထဲပါသွားပြီး။ အဘိုးအိုကြီးတစ်ယောက်ကတော့ ကာကွယ်ရေးအဖွဲ့က ရဲဘော်တစ်ဦးက ကယ်ဆယ်ခဲ့ပါတယ်။ ကျွဲ ၊ နွားတွေလည်း မီးထဲပါသွားပါတယ်။”ဟု GZ Special Task Force – Wetlet အဖွဲ့က ပြောသည်။
![မူးကြီးကျေးရွာ လူနေအိမ်များ မီးလောင်ကျွမ်းပြီးနောက် တွေ့ရစဥ်၊ဓာတ်ပုံ-GZ Special Task Force - Wetlet](https://i0.wp.com/www.ludunwayoo.com/wp-content/uploads/2022/11/315396409_520544920134965_7663648144374196703_n.png?resize=720%2C405&ssl=1)
စစ်ကောင်စီတပ်သည် ဝက်လက်မြို့နယ်အတွင်း စစ်ကြောင်းထိုးဖျက်ဆီးမှုများ ပြုလုပ်နေပြီး နိုဝင်ဘာ ၁၃ ရက်ကလည်း ထန်းကြီးကျေးရွာကို ဝင်ရောက်ဖျက်ဆီးမီးရှို့ခဲ့၍ နေအိမ်ပေါင်း ၃၀၀ ကျော် ပျက်စီးဆုံးရှုံးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)