ရှမ်းပြည်နယ်မြောက်ပိုင်း သီပေါမြို့နယ် ကုန်းသာကျေးရွာတွင် ယနေ့တိုက်ပွဲဖြစ်ပွားပြီး စစ်ကောင်စီတပ်က သေဆုံးထိခိုက်မှုရှိသည်ဟု ရှမ်းပြည်တိုးတက်ရေးပါတီ(SSPP)က ထုတ်ပြန်သည်။
ကုန်းသားကျေးရွာ၌ ကျင်းပသည့် ရှမ်းနှစ်သစ်ကူးပွဲ နှင့် ကောက်သစ်ဆွမ်းကပ်လှူပွဲအတွက် လုံခြုံရေးယူပေးနေသည့် SSPPတပ်ဖွဲ့နှင့် စစ်ကောင်စီတပ်တို့ နိုဝင်ဘာ ၂၅ရက် နံနက်ပိုင်း၌ ၁နာရီခန့်ကြာ တိုက်ပွဲဖြစ်ခဲ့သည်ဟု ဆိုသည်။
![ဓာတ်ပုံ - SSPP](https://i0.wp.com/www.ludunwayoo.com/wp-content/uploads/2022/11/315667477_520556333467157_71260575203332810_n.png?resize=880%2C559&ssl=1)
နိုဝင်ဘာ ၂၂ ရက်မှ ၂၄ ရက်အထိ ကုန်းသာကျေးရွာတွင် ရှမ်းနှစ်သစ်ကူးပွဲနှင့် ကောက်သစ်ဆွမ်းကပ်လှူပွဲကို ကျင်းပပြီး ယနေ့နံနက်တွင် ပွဲကော်မတီနှင့် ကျေးရွာ ဒေသခံတို့ ပွဲခင်းသိမ်းနေချိန် စစ်ကောစီတပ်ဖွဲ့ ခလရ(၆၈)နှင့်ခလရ (၂၃)တို့စုစုပေါင်းအင်အား ၈၀ခန့်က ကုန်းသာရွာအတွင်းသို့ ထိုးစစ်ဆင်ဝင်ရောက်လာ၍ လမ်းလုံခြုံရေးယူထားသည့် SSPP နှင့် တိုက်ပွဲဖြစ်ခဲ့ကြောင်း ထုတ်ပြန်သည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
အဆိုပါတိုက်ပွဲ၌ စစ်ကောင်စီဘက်ကတစ်ချို့သေဆုံးပြီး လေးဦးဒဏ်ရာရခဲ့ကြောင်း ဖော်ပြထားသည်။
အဆိုပါ တိုက်ပွဲကြောင့် ကုန်းသာကျေးရွာအုပ်စုတွင်း ဒေသခံ ၆၀၀ခန့် လုံယွန်းဘုန်းကြီးကျောင်းနှင့် သီပေါမြို့အတွင်းသို့ ထွက်ပြေးသိမ်းရှောင်ခဲ့ရပြီး ယခုအချိန်ထိ နှစ်ဖက်စစ်အင်အားဖြည့်ကာ စစ်ရေးတင်းမာနေကြောင်း SSPPက အသိပေးထားသည်။
![ဓာတ်ပုံ - SSPP](https://i0.wp.com/www.ludunwayoo.com/wp-content/uploads/2022/11/316314963_520556466800477_7935752703121369047_n.jpg?resize=834%2C1024&ssl=1)
![ဓာတ်ပုံ - SSPP](https://i0.wp.com/www.ludunwayoo.com/wp-content/uploads/2022/11/316419640_520556540133803_2910988217962158430_n.png?resize=880%2C394&ssl=1)
SSPPသည် စစ်ကောင်စီတပ်နှင့် တွေ့ဆုံဆွေးနွေးမှုလုပ်ဆောင်နေသည့် လက်နက်ကိုင်တပ်ဖွဲ့ဖြစ်ပြီး ယခင်ကလည်း ဆွေးနွေးပွဲများမတိုင်မီ စစ်ကောင်စီတပ်နှင့် စစ်ရေးတင်းမာမှုအချို့ ပစ်ခတ်မှု အချို့ရှိခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)