တနင်္သာရီမြို့နယ်ရှိ လယ်သစ်ကျေးရွာ စစ်ကြောင်းထိုးလာသည့် စစ်ကောင်စီတပ်ကို ဒေသကာကွယ်ရေးတပ်များ ပူပေါင်းပြီး သုံးရက်ဆက်တိုက်ခိုက်ခဲ့ရာ စစ်ကောင်စီတပ်သား ခြောက်ဦးသေဆုံးခဲ့သည်ဟု မြိတ်ပြည်သူ့ကာကွယ်ရေးအဖွဲ့-ပကဖ(မြိတ်)မှ တာဝန်ရှိသူက ပြောသည်။
စစ်ကောင်စီတပ်၏ စစ်ကြောင်းတွင် ပျူစောထီးများပါဝင်ပြီး ဒေသခံကာကွယ်ရေးအဖွဲ့ လေးဖွဲ့က နိုဝင်ဘာ ၂၅ရက်၊ ၂၆ ရက်နှင့် ၂၇ ရက်တို့ သုံးရက်ဆက် ပူးပေါင်းတိုက်ခိုက်ခဲ့ခြင်းဖြစ်သည်ဟု မြိတ်(ပကဖ)က ယနေ့ သတင်းထုတ်ပြန်သည်။
အဆိုပါတိုက်ပွဲတွင် စစ်ကောင်စီတပ်က ခြောက်ဦးသေဆုံးပြီး ဒေသကာကွယ်ရေးတပ်များဘက်မှ ရဲဘော်တစ်ဦး ကျဆုံးခဲ့သည်ဟုလည်း မြိတ်(ပကဖ)က အသိပေးထားသည်။
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/317521331_522562146599909_8473830298756350219_n.png?resize=720%2C960&ssl=1)
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/316816980_522562073266583_7438227265413306576_n.jpg?resize=720%2C960&ssl=1)
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/317445879_522562286599895_3186529659989230252_n.jpg?resize=720%2C960&ssl=1)
ယင်းတိုက်ခိုက်မှုကို တနင်္သာရီကာကွယ်ရေးပြောက်ကျားအဖွဲ့၊ PDFတပ်ရင်း(၂)၊ တပ်ခွဲ(၂)၊ မြိတ်(ပကဖ)နှင့် ကျွန်းစု(ပကဖ)တို့ တိုက်ခိုက်ခဲ့ခြင်းဖြစ်သည်။
“ဦးဆောင်တဲ့အဖွဲ့က တနင်္သာရီပြောက်ကျားအဖွဲ့”ဟု မြိတ်(ပကဖ)မှ တာဝန်ရှိသူက ပြောသည်။
မြိတ်(ပကဖ)က ထုတ်ပြန်သည့် ဓာတ်ပုံများတွင် စစ်ကောင်စီတပ်ထံမှ လက်နက်ကြီးကျည်ဆံများလည်း သိမ်းစည်းရမိသည်ဟု ထုတ်ပြန်ဖော်ပြထားသည်။ စစ်ကောင်စီတပ်သားများတွင် တိုက်ခိုက်ရေးတပ်သားများမဟုတ်သည့် အမြှောက်တပ်သားများ၏ ယူနီဖောင်းများလည်းပါဝင်သည်။
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/315981701_522562373266553_6868896460340974098_n.jpg?resize=768%2C1024&ssl=1)
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/317361070_522562459933211_1738737741971760428_n.jpg?resize=768%2C1024&ssl=1)
![သိမ်းဆည်းရမိသော လက်နက်ခဲယမ်းများနှင့် စစ်ကောင်စီတပ်က ကျေးရွာအတွင်း ဝင်ရောက်ဖျက်ဆီးပြီးနောက် တွေ့ရစဥ်၊ ဓာတ်ပုံ - မြိတ်(ပကဖ)](https://i0.wp.com/www.ludunwayoo.com/wp-content/uploads/2022/11/317089679_522562566599867_2776314664966676682_n.jpg?resize=768%2C1024&ssl=1)
“စကစအလောင်းတွေ သယ်ယူနေကြလို့ ခဏနားနေတယ်”ဟု တနင်္သာရီကာကွယ်ရေးပြောက်ကျားအဖွဲ့မှ တာဝန်ရှိသူက ပြောသည်။
လက်ရှိတွင် တိုက်ပွဲဆက်ဖြစ်နိုင်ချေရှိပြီး စစ်ကောင်စီတပ်က ကျေးရွာအတွင်းဝင်ရောက်မွှေနှောက်နေသည်ဟု ၎င်းက ဆက်ပြောသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)