သိမ်ဇရပ်တွင် စစ်ကောင်စီရဲစခန်းက လက်နက်ကြီးပစ်ခတ်၍ ကလေးငယ် နှစ်ဦးဒဏ်ရာရ

ကရင်အမျိုးသားအစည်းအရုံး(KNU) သထုံခရိုင်တွင် စစ်ကောင်စီ၏ သိမ်ဇရပ်ရဲစခန်းက လက်နက်ကြီးဖြင့်ပစ်ခတ်၍ ကလေးငယ် နှစ်ဦးဒဏ်ရာရခဲ့သည်ဟု KNUက ယနေ့ ထုတ်ပြန်သည်။

နိုဝင်ဘာ၂၆ ရက် ညနေပိုင်းတွင် သိမ်ဇရပ်ရဲစခန်းမှ ပစ်ခတ်သည့် လက်နက်ကြီးကျည်သည်သိမ်ဇရပ်မြို့၊ အမှတ် (၃)ရပ်ကွက်ကြီး တောင်တခြမ်းရပ်ကွက်၌ ကျရောက်ပေါက်ကွဲခဲ့ခြင်းဖြစ်သည်ဟု ဆိုသည်။

လူနေအိမ်တစ်လုံးလည်း ထိခိုက်ပျက်စီးခဲ့ပြီး အိမ်ရှင် ဦးကျော်တင့်၏ သားဖြစ်သူ ၈နှစ်အရွယ် မောင်မြင့်မြတ်နှင့် တစ်ဝမ်းကွဲညီအကို တော်စပ်သူ (၈)နှစ်အရွယ်မောင်သန့်စင်တို့ လက်နက် ကြီးကျည်စထိမှန် ဒဏ်ရာရခဲ့ပြီး မောင်သန့်ဇင်မှာ စိုးရိမ်ရသည့် ဒဏ်ရာရခဲ့သည်ဟု ဖော်ပြထားသည်။

သိပ်ဇရပ်ရဲစခန်းမှ မကြာခဏ လက်နက်ငယ် များဖြင့် ရမ်းသမ်းပစ်ခတ်မှုများရှိပြီး အရပ်သားပြည်သူများအား မတရားဖမ်းဆီးမှုများလုပ်ဆောင်လျှက်ရှိကြောင်း KNUက ထုတ်ပြန်သည်။