ဂီတကိုစတင်သင်ကြားချိန်ကတည်းက တီးခတ်ခဲ့သည့် ဂစ်တာနှင့် ရန်ကုန်မြေပြင်တော်လှန်ရေးအတွက် လိုအပ်နေသော နေရာများတွင် အသုံးပြုရန် ရန်ပုံငွေရှာဖွေမည်ဟု မင်းမော်ကွန်းက အသိပေးထားသည်။
” ဒီဂစ်တာလေးဟာ ကျနော့်ရဲ့ ဂီတဆရာဖြစ်သလို၊ ကျနော့်ရဲ့ လေးစားအားကျရတဲ့ ပုဂ္ဂိုလ်တွေဆီကတစ်ဆင့် ပြန်လည်၀ယ်ယူထားတဲ့ ဂစ်တာလေးလဲ ဖြစ်ပါတယ်။ ကျနော် သီချင်းပေါင်းမြောက်မြားစွာ ရေးခဲ့၊ ဆိုခဲ့၊ တီးခတ်ခဲ့တဲ့ ကျနော်ရဲ့ ဂီတမိတ်ဆွေလဲ ဖြစ်ပါတယ် ” ဟု မဲဖောက်ပေးမည့် ဂစ်တာနှင့် အမှတ်တရ ကို မင်းမော်ကွန်းကပြောသည်။
လွန်ခဲ့တဲ့နှစ်ပေါင်း ၂၀ ကျော်လောက်ကတည်းက သူတီးခတ်ခဲ့၊ ရင်းနှီးခဲ့၊ ဂီတကိုသင်ကြားခွင့်ရခဲ့တဲ့ ဂစ်တာလေးဖြစ်ပြီး ယင်းဂစ်တာနှင့်ပထမဆုံးရေးခဲ့သည့်သီချင်းက “အေဘီစီဒီ” ဖြစ်ကာ နောက်ဆုံးရေးခဲ့သည့်သီချင်းကတော့ “မအလ” သီချင်းဖြစ်သည်ဟု သူကပြောထားသည်။
ရန်ကုန်မြို့ပြညရဲ့ ဂစ်တာသံများ ကမ်ပိန်းလက်မှတ်များကို ဒီဇင်ဘာ ၁ ရက်မှ ၃၀ ရက်အတွင်း ရောင်းချမည်ဖြစ်ပြီး ကံစမ်းမဲလက်မှတ်တစ်စောင်လျှင် အမေရိကန်ဒေါ်လာ ၂၀ သတ်မှတ်ကာ သက်ဆိုင်ရာနိုင်ငံအလိုက် ငွေကြေးများဖြင့် ရောင်းချပေးမည်ဖြစ်သည်။
“ကျနော် တောထဲတောင်ထဲရောက်တဲ့အချိန်မှာ ရန်ကုန်ကနေ ပြည်လည်ပြီးတော့မှာယူခဲ့တဲ့ တစ်ခုတည်းသော အမြတ်နိုးဆုံး အမှတ်တရပစ္စည်းလဲ ဖြစ်ပါတယ် ” ဟု မင်းမော်ကွန်းကဆိုသည်။
၎င်းအတွက် အမှတ်တရအဖြစ်ဆုံးပစ္စည်းဖြစ်သောကြောင့် ၎င်း၏မွေးရပ်ဇာတိအတွက် အကျိုးပြုစေရန် ရည်ရွယ်လုပ်ဆောင်ခြင်းဖြစ်သည်ဟု မင်းမော်ကွန်းကပြောသည်။
ယင်းကမ်ပိန်း၏ ကံထူးရှင်ကို ဇန်နဝါရီ ၁ ရက်တွင် မဲဖောက်ပေးမည်ဖြစ်ပြီး ပြည်သူများပါဝင်ပေးရန် မင်းမော်ကွန်းက မေတ္တာရပ်ခံထားသည်။
