သေနတ်နှစ်လက်ဖြင့် CDM လာရောက်ပြုလုပ်သော စစ်ကောင်စီတပ်သားအား အမျိုးသား ညီညွတ်ရေးအစိုးရ (NUG)က ထိုင်းဘတ်ငွေ ၁၁၄,၀၀၀ ကို ဂုဏ်ပြုချီးမြှင့်ကြောင်း နဂါးနီစစ်ကြောင်းတပ်ခွဲ၂ က ယနေ့(ဒီဇင်ဘာ ၃ ရက်) တွင် ထုတ်ပြန်သည်။
ဘုရားသုံးဆူမြို့၊ နဂါးတောင်စခန်း မှ သေနတ် နှစ်လက်ဖြင့် CDM လာရောက်ပြုလုပ်သော ခလရ (၂၈၄)မှ တပ်သား ရဲနိုင်သွေး အား ဂုဏ်ပြုချီးမြှင့်ငွေကို နဂါးနီစစ်ကြောင်းတပ်ခွဲ (၂ )မှ ကိုယ်စားပေးအပ်ခဲ့ကြောင်းသိရသည်။
ကရင်ပြည်နယ်၊ကြာအင်းဆိပ်ကြီးတပ်နယ်ဗျူဟာလက်အောက်ခံ ခလရ(၂၈၄)တွင် တာဝန်ထမ်းဆောင်နေသော တပ်သား ရဲနိုင်သွေးသည်နိုဝင်ဘာ ၆ရက်နေ့က CDMပြုလုပ်လာခဲ့ခြင်းဖြစ်သည်။
CDM ပြုလုပ်လာသည့် တပ်သား ရဲနိုင်သွေး သည် MA1တစ်လက် ၊MA2တစ်လက် ၊ကျည်ဘောက် ၄ခု၊ကျည် ၂၄၀တောင့်၊ လက်ပစ်ပုံး ၃လုံး၊အီနာဂါ ၄လုံး၊၄၀မမ ၁လုံး၊အီကွေ့မန့် ကျည်ကာအကျီတစ်စုံ ပါရှိကြောင်းအသိပေးထားသည်။
ရဲနိုင်သွေးနည်းတူ စစ်ကောင်စီလက်အောက်ခံတပ်သားများအနေဖြင့် နဂါးနီစစ်ကြောင်းတပ်ခွဲ၂ထံ အမြန်ဆုံးပူးပေါင်း CDMပြုလုပ်ကြရန် တိုက်တွန်းသည်။
သေနတ်တစ်လက်ဖြင့် CDMပြုလုပ်လာသည့် စစ်သားများကိုလည်း သိန်း၅၀ကျပ်ဆုချီးမြှင့်သည့်အပြင် ဘဝရပ်တည်ရေးအတွက်လဲ စီစဉ်ဆောင်ရွက်ပေးမည်ဟု ကတိပြုသည်။
