ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်(ဗကသ) ဒုဥက္ကဋ္ဌဟောင်း ကိုဂျိမ်း ခေါ် ကိုလင်းထက်နိုင်ကို ဒီနေ့မှာ အင်းစိန်ထောင်တွင်းတရားရုံးက မတည်မငြိမ်ဖြစ်အောင်လှုံဆော်မှု ရာဇသတ်ကြီး ပုဒ်မ ၅၀၅ (က) ထောင် ၃ နှစ်ချလိုက်ပါတယ်။
ကိုလင်းထက်နိုင်ကို ပြီးခဲ့တဲ့ ဇွန်လ ၁၈ ရက်က ဗိုလ်တထောင်မြို့နယ်ထဲမှာ စစ်ကောင်စီက ဖမ်းခဲ့တာပါ။
ထောင်ကျနေတဲ့ ကိုလင်းထက်နိုင်ဆီ ထောင်ဝင်စာလာပို့တဲ့ မိခင် ဒေါ်ကြီးမြင့်ဟာ ပြီးခဲ့တဲ့အောက်တိုဘာလ ၁၉ ရက်က အင်းစိန်ထောင် ထောင်ဝင်စာ ပါဆယ်ပို့ရာနေရာ ပေါက်ကွဲ ပစ်ခတ်မှုဖြစ်စဉ်မှာ ထိမှန်သေဆုံးခဲ့ရပါတယ်။
မိခင်ဖြစ်သူရဲ့နာရေးကိုသွားဖို့ ကိုလင်းထက်နိုင်က ထောင်အာဏာပိုင်တွေကိုတင်ပြပေမယ့် ငြင်းပယ်ခံခဲ့ရပါတယ်။
ထောင် ၃ နှစ်ချခံလိုက်ရတဲ့ ကိုလင်းထက်နိုင်ကို ထောင်ဒဏ် တသက်အထိ ချလို့ရတဲ့ အကြမ်းဖက်ပုဒ်မ ၅၀ (ည) နဲ့ စစ်ကောင်စီက တရားထပ်စွဲထားပါသေးတယ်။
