မန္တလေး၊ ပြည်ကြီးတံခွန်မြို့နယ်ထဲက မြေနေရာ အချို့ မှာ ကျုးကျော်ဆိုပြီး ဖယ်ရှားရှင်းလင်းပြီးနောက် စစ်ကောင်စီက အဲဒီနေရာတွေကို အုတ်တံတိုင်းခတ်လိုက်တာတွေ့ရပါတယ်။
ပြီးခဲ့တဲ့ မေလအတွင်း ပြည်ကြီးတံခွန်မြို့နယ်ထဲက ၄၉ လမ်း အနောက်ဘက်ခြမ်း ၊ လမ်း ၁၃၀ ဝန်းကျင် ၊ ကံကြီးကုန်းရွာ အပြင်ဘက်က နေအိမ်တွေကို ကျုးကျော်ဆိုပြီး ရှင်းလင်းခံရတာပါ။
လက်ရှိမှာတော့ အဲဒီနေရာတွေကို အုတ်တံတိုင်းခတ်လိုက်ပါတယ်။
ရှင်းလင်းခံရတဲ့မြေနေရာတွေကို အုတ်တံတိုင်းခတ်ပြီး “တာဝန်ရှိသူများမှအပ ဖြတ်သန်းသွားလာခြင်းမပြုရ” ဆိုတဲ့ ဗီနိုင်းတွေ ကပ်ထားတာလည်းတွေ့ရပါတယ်။
“အိမ်တွေဖယ်ပြီးတာနဲ့ ပြန်ဝင်လို့မရအောင် အကွက်ရိုက် အုတ်တံတိုင်းခတ်သွားတာ “လို့ နေအိမ်ဖယ်ရှားခံလိုက်ရတဲ့ အမျိုးသမီးတစ်ဦးက ပြောပါတယ်။
စစ်တပ်အာဏာသိမ်းပြီးနောက် မန္တလေးမြို့မှာ အချက်အချာကျတဲ့ အောင်မြေသာစံ၊ချမ်းမြသာစည် ၊ပြည်ကြီးတံခွန်မြို့နယ်တွေထဲက နေရာအချို့ ကို ကျုးကျော်ဆိုပြီး ရှင်းလင်းတာတွေ လုပ်ဆောင်ခဲ့ပါတယ်။
ဒီလိုရှင်းလင်းလိုက်တဲ့ နေရာတွေ ကို ဝင်းခတ်ပြီး စစ်အုပ်စုနဲ့နီးစပ်သူတွေက ဝင်ရောက်နေရာယူ ဌားစားတာမျိုးတွေလည်းရှိနေတယ်လို့ဒေသခံတွေက ပြောပြပါတယ်။
စစ်အုပ်စုရဲ့ ကျူးကျော်ရှင်းလင်းမှာစစ်တပ်၊ ရဲအင်အားတင်မက လူမိုက်တွေလည်းပါဝင်ကြတယ်လို့ မြေပြင်သတင်းတွေအရသိရပါတယ်။
