စစ်ကောင်စီတပ်၏လက်နက်ခဲယမ်းများကိုအဓိကသယ်ယူပို့ဆောင်နေသည့် လွိုင်ကော်လေဆိပ်အပါအဝင် လွိုင်ကော်မြို့ရှိစစ်ကောင်စီတပ်၏ ခလရ(ခြေလျင်တပ်ရင်း) ၂၆၁ တပ်တို့ကို ပစ်မှတ်ထား၍ ကရင်နီတော်လှန်ရေးအင်အားစုများက ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ကြောင်း ကရင်နီစစ်ရေးသတင်းရင်း မြစ်များနှင့် ဒေသခံအချို့ကပြောသည်။
ယနေ့(ဒီဇင်ဘာ ၁၁ ရက်) နေ့လည်ပိုင်းက လွိုင်ကော်မြို့တွင် လက်နက်ကြီး ကျရောက်ပေါက်ကွဲ သံ ငါးကြိမ်ထက်မနည်းရှိခဲ့သည်ဟု ဒေသခံအချို့ကပြောသည်။
“လေဆိပ်ဝင်းထဲ မှာဗုံးကျတယ်ဆိုတာအနီးစပ်ဆုံး အတည်ပြုနိုင်တယ်။ဘာလို့လဲ ဆို ဒီနေ့ ညနေ ပိုင်းကစလို့ စ-တွေခြေရှုပ်နေတယ်။နောက်ပြီး အခု ည လွိုင်ကော်မှာ ကင်းပုန်းတွေ အပြင် စစ်ကားတချို့ပါလှည့်နေတာ ရှိတယ်”ဟု ဒေသခံတစ်ဦးက ပြောသည်။
ကရင်နီတော်လှန်ရေးအဖွဲ့များကပူးပေါင်း၍ လွိုင်ကော်မြို့လေဆိပ်နှင့် ခမရ ၂၆၁ တို့ထံရှော့ဆိုက်ဒုံးဖြင့်တိုက်ခိုက်ရာတွင် လွိုင်ကော်လေဆိပ်အတွင်း ကိုတစ်လုံးကျရောက်ပေါကွဲပြီး ၊ ခမရ ၂၆၁အမြောက်တပ်အတွင်း တစ်လုံးကျရောက်ခဲ့ကြောင်းအခြားသတင်းရင်းမြစ်တစ်ဦးက ပြောသည်။
သို့သော် စစ်ကောင်စီ၏ ခလရ ၂၆၁ တပ်ရင်း အတွင်း ကျရောက်ပေါက်ကွဲမှု ရှိခဲ့သည်ကို မူလူထုနွေဦးအနေဖြင့်အတည်မပြုနိုင်သေးပေ။
“လွိုင်ကော်လေဆိပ် အပြင် ဘီးလူးချောင်း ဘက်မှာရှိတဲ့ စခ တပ်ရင်း တစ်ခု ကို လက်နက် ကြီးနဲ့ တိုက်တယ်ဆိုတာပဲ သိရသေးတယ်။ကျန် တဲ့ အသေးစိတ်တော့ ပြောပြလို့လည်း မရသေးဘူး။သိလည်း မသိရသေးဘူး”ဟု ကရင်နီစစ်ရေးသတင်းရင်းမြစ်တစ်ဦးကလူထုနွေဦးသို့ ပြောသည်။
ရှော့တိုက်ဒုံးဖြင့်တိုက်ခိုက်မှုများနှင့် ဆက်စပ်၍ကရင်နီအမျိုးသားကာကွယ်ရေးတပ် KNDF ထံမေးမြန်းဆက်သွယ်ထားသော်လည်းအကြောင်းပြန်ခြင်းမရှိသေးပေ။
လွိုင်ကော်မြို့နယ်တွင် စစ်ရေးအရ နိုဝင်ဘာ နောက်ဆုံးပတ်က ပါလောင်း နှင့် ဒေါတယို့ကျေး ရွာ တို့တွင်တိုက်ပွဲများဖြစ်ပွားခဲ့သည်။ထိုတိုက်ပွဲတွင် စစ် ကောင်စီတပ်သား ၁၀ ဦးထက်မနည်းထိခိုက်သေဆုံးကြောင်း ကရင်နီအမျိုးသားများကာကွယ်ရေးတပ် KNDF တပ် ရင်း ၂ က ထုတ်ပြန်ထား သည်။
